#العضة 😁
والم التسنين
الطفل خطيه من يبدي يسنن يكون جدا متالم
وحتى نخفف عليه اكو هواية طرق حذكرها نهاية البوست
قبلها احب اكلكم اذا يعض الطفل اثناء الرضاعة الطبيعية شلون نتصرف ؟ وشلون نمعنها من ان تحدث مره اخرى؟
الطفل حيعض اول مره عن طريق الصدفة فحاولي ابدا ماتصرخين لان هاي الصرخه حتخلي ينتبه كلش
وعباله لعبه
وكلش يجذبه رد الفعل السريع
وحيخلي يكررها هواي حتى يحصله
فا ارجع اذكرج
لا تصرخين ❌
اكتمي الصرخه 😅🤣
وانهي الرضعة وكولي له لا خطا
حتى لو يريد يرضع مره لخ انتظري قليلا
وقدمي له وسائل التبريد
الي هي :
1.خيار قسمي شرحيتين طويلة (بالطول) بدون تقشير وقدمي للطفل حيعض الجزء الداخلي حيكون هش وبارد وجدا تريحه
2.خاولي نظيف يتم نقع جزء منه بالماء وتجميده في الفريز ومن نحس الطفل متضايق ننطي يعضه
3.لبن رائب مبرد
4.عضاضه التسنين
5.وختماما حعلمكم هاي الوصفه جدا لطيفة (الصوره بالاسفل)
الي هي لبن رائب + اي فاكهه مثلا خوخ
تضرب خلاط
وممكن وحده فقط اللبن
نقطي على ورق زبدة وجمدي
حيصير نقط مجمده
انطيها للطفل جدا جدا مفيده وتخفف المه
اما شلون نتوقى من العضه؟
1.اعطي من وسائل التبريد قبل الرضعة
2.ننتبه على الطفل اثناء الرضاعة ومن يبدي يرخى الفم معناها خلص رضاعة وممكن الان حيعض، فنبعد الثدي بسرعة
3.منرضع والطفل مو جوعان لان حيكون مجرد تسلاية واحتمالية العض جدا كبيرة، فنرجع لنقطه 1 والي هي ننطي وسائل تبريد
4.والنقطه الذهبية اكيد (لاتصرخين❌) 🤪
في حال الطفل اخذ الموضوع عاده وكام يتقصد يعض حتى يسمع هاي الصرخه 🤣
1.توقفي عن الصراخ… و (لاتصرخين ❌) 😂😂
2.من يعض الطفل اوقفي الرضاعة وضعيه على الارض او بجانبك (ابعدي عن حضنك) وقولي له لا خطا وعينك بعينه بدون ضحك 🤭
3.انطي وسائل التبريد
4.ومن يطلب يرضع مره اخرى نكله ممنوع تعض ونرجع نرضع مع الانتباه على فم الطفل حتى لايعض
وهاهيه 😁
البوست اختصره ب
(لاتصرخين ❌)
وانطي اشياء باردة
وبس 😁
وهاي المرحله قصيرة جدا
حاولي تاخذين صور هواي ❤️
محبتي
د.اسماء اسماعيل البدري
from د. سيف سمير البياتي