٧ علامات ببساطه تعني أن الجو حار و انه انت سامطته سمط باللف الهوايه
١. اذا شفتي دكات قلبه سريعه ( بالعاده دقات قلب الطفل سريعه بس اذا أسرع من المعتاد فمعناها انت كلش مزودتها بالحراره)
٢. يصير الطفل كلش احمر( من العادي ان الطفل لونه احمر وردي بس اذا شفتي اللون كلش احمر فهاي معناها الحراره واصله إلى مرحله عاليه او كلش هوايه لابس )
٣. البجي الهوايه: الام مخليته بالفرن و درجه الحراره ٥٢ و فاتحه بانكه بالغرفه اللي بصفه مو بغرفته و تكول دكتور يبجي هوايه !!!!
٤. و عكسها الخمول الهوايه ممكن يكون طفلك جدا خامل و ساكت فهاي هم من الممكن الجو جدا حار او مغطيته هوايه
٥. زياده القيء و هاي هم علامه أخرى لازم تحذرين منها و بساع تبرديه و اذا استمر بوجهك لأقرب مستشفى
٦. وحده من اسهل العلامات حتى تعرفين ابنك محتر و انه انت كلش متخذه إجراءات مبالغ بيها هو انه عركان كل جسمه و محتر
قيسي حرارته اذا مو طبيعيه و تحت الابط فوك ٣٧.٢ و شيلي الملابس و قيسي بعد ربع ساعه اذا ما نزلت بوجهك للمستشفى
٧. تحسيه ما مرتاح و ما ينام او يبجي او بس يريد يرضع يعني تحسين ابنك ما مرتاح فهاي هم ممكن محتر
.
.
لا تنسون مشاركه البوست من الصفحه مباشره او نسخ الرابط في اي مكان
شاركوا البوست رحمه لهذوله الأطفال خطيه
