افكار للفطام من الممه
كتبتلكم من دراستي و تجربتي ١٠ افكار للفطام من الممه تكدرون تجربوها
بس الاهم الإصرار على تحقيق الهدف
ارجع و اذكر الفطام من الممه سنه و ٣ اشهر و هذا متفق عليه باغلب جمعيات طب الأطفال و أطباء الأسنان
الفطام من الرضاعه الطبيعيه يختلف من منظمه طبيه إلى أخرى
منظمه الصحه العالميه تكول اول ٦ اشهر لازم بس رضاعه طبيعيه
بس الجمعيه الامريكيه لطب الأطفال تكول سنه و اللي فوك السنه براحتكم إلى حد سنه و نص او سنتين
الجمعيه الكنديه لطب الأطفال تكول سنه و نص إلى سنتين
.
.
الأفكار هي :
١. خلي موعد ثابت تتفق انت وياه عليه مثلا عيد ميلاده
شايفين الأطفال شكد يتشوقون لاعياد الميلاد
كوله مثلا ع عيد ميلادك اذا تارك الممه اشتريلك سياره صغيره او بايسكل او لعابه
اي شي حسب الامكانيه
طبعا هذا للي اعمارهم كبيره بحدود السنتين و يفتهم الكلام
٢. التبديل من المميه للكوب و هذا تبدون بيه مبكرا من عمر ٩ إلى ١٢ شهر و شويه شويه تنترك
٣. الروتين الروتين الروتين
و بالأخص روتين النوم آخر ٢٠ دقيقه قبل النوم تتخصص لتنظيف الاسنان و التغسيل و الحمام و قصه قبل النوم بحيث تصير مهمه عنده أكثر من المميه
٤. اللعابه مال النوم و دائما اختارها بحجم يساوي حجم الطفل بحيث ينام قريب منه و طبعا باشرافك و خليه ينام قريب طفلك شويه شويه راح يحبها أكثر من الممه
٥. ما بيها شي اذا خليتي صبغه او طعم ما طيب على رأس الممه و كلتيله صارت ما حلوه او خلي يتذوقها و يتركها
٦. شويه كبري راس الحلمه مال الرضاعه هم يفضلون الممه لان تطول و ينامون وياها فكبري راس الممه حتى تخلص بساع
٧. قللي الرضاعه شويه شويه كل كم يوم رقم و طبعا مع زياده العشاء و الاكل الصلب
٨. بيوم آخر ممه اتفقوا انه تحتفلون او تتعشون بره كلش تعني الهم هاي الفقره
٩. اخفي راس الممه من كل المميات و من يسال ع الممه كوليله ما ادري وينهن راحن و انطيه الحليب بالكلاص العادي او ابو المصاصه
١٠. غير تدريجيا من الممه اللي بيها حليب إلى عصير ثم إلى مي
و طبعا تعرفون انه العصير يسبب تسوس أكثر من الحليب فاستعجل بالتحويل إلى المي
ممكن تشوفين عقليه ابنك ما تستوعب بعض النقاط اكو غيرها ٩ افكار أخرى
هذا البوست كتبته الكم
و اتمنى المشاركه من الصفحه مباشره
و غير مسموح أبدا باعاده نشره باسماؤكم
