⭕لشوكت انطي فيتامين دي ؟
دام الطفل ما ياخذ احتياجه اليومي من فيتامين دي اللي هو لتر حليب او ما يعادله من اللبن و الجبن او الاكلات البديله
اكو دول تنطي سنه مثل تركيا
اكو دول تنطي سنتين
و اكو اكثر مثل الدول الاسكندنافيه
بصوره عامه افضل مثل ما اسلفت انه اذا الطفل اكله مو كلش غني بالكالسيوم يستمر عليه
🔴 المميه شوكت اخر امد الها ؟
سنه الى سنه و ٣ اشهر
🔵 الملهيه شوكت اخر امد الها ؟
٦ اشهر و اسهل فطام منها بهذا العمر لا تترددين ابدا لان بعد سنه من هذا البوست راح اشوف الملهيه بفمه
♾ الرضاعة الطبيعيه شوكت اخر امد الها ؟
بكيفك طبعا بالاخص اذا الطفل نموه زين
⚫ شوكت اخر امد انه الطفل ينام ويه اهله بالغرفه ؟
يفضل الى عمر سنه و تكدرين بعمر ٦ اشهر
🚫 بالرضاعه الطبيعيه بالشهر الرابع ننطي حديد الى اي عمر نستمر ؟
الى ان تدخل قطع لحم لجوف الطفل يعني بحدود ٦ اشهر
د. سيف سمير البياتي
اخصائي طب الاطفال

