#والله_هذا_دائمي…
هوايه يتكرر هذا المشهد.. ام وطفل بعمر 7 او 8 سنوات
دكتور رحاته دتأذيه… خل نقلعها
اني.: عيني امي هذي رحايه دائميه ليش هيجي وضعيتها( طبعا الدنيا محتركه… منتجات غذائيه كامله كاعده بالحفره)
الام : لا دكتور شنو دائميه لبنيه هاي … طبعا تفتح حلك الطفل وتفره يمنه يسره… دكتور بس هو ما وكعهن…
اني وبنظرة مال هاني رمزي .. يوم اعرف هي هاي رحايه تطلع بعمر ال 6او 7 سنين ووره الرحايات اللبنيه مو توكع وبمكانها وهنا ياخذني الواهس وانطلق بشرح مواعيد سقوط السن اللبني وشنو اهميتهن وليش وشنو و و و وتعالي شوفي يوم هذا وتعالي شوف هيجي…
هنا احنه بمفترق…. لو تشوفني تك عين وتكولي مثل اثير كشكول انننني ويي … هسه دكتور يعني منقلعه لان مدنام العفو مدينام بليل!! … ومن ما اقبل او افضل الحشوة المح هزه الايد وبعض كلمات التمتمه من تطلع…. او العكس والام صدك دكتور وشوف اخوه وشوف اخته و و و و و.. بالمحصله لازم الاهالي يعرفون تسلسل الاسنان اللبنيه وشوكت توكع وهميتها للطفل والاسنان الدائميه من تطلع…. خصوصا هذي الرحايه لان هي الاكثر عرضه للتسوس بسبب الاهمال وعدم معرفه انو هي دائميه… بفرضيه انو الاسنان اللبنيه توكع بعد ويطلع بمكانها
يا ناس يا عالم هذي رحاية دائميه…. والله
وتعيشون وتسلمون
الرساله منقوله من دكتور احمد احسان
طبيب الاسنان
