اليوم البوست للملتزمين بيوتهم و كاعدين
للناس اللي ما راحوا اعراس او فواتح او حفلات اعياد ميلاد طيله فتره كورونا بالعراق و تواجدها الغير مرحب بيه
للناس اللي ما همهم العيد و لا اشتروا ملابس عيد و لا ترسوا الشوارع بالعيد و قبل العيد
ادري و الله تعبت ويانا بالاشهر اللي فاتت
انت تعبت و اني تعبت و كلنا تعبنا
بس تدري شي ؟
تدري انت حققت شي كبير ؟
تدري انت مو من ضمن ١٨٧٠ اصابه مال يوم
تدري انت مو من ضمن ال ٢٩٢٢٢ اصابه بكورونا
لذلك اسمعني
عوف الناس جماعه الاعراس و اللي تارسين الشوارع
و عوف الناس اللي بلا وعي
عوفهم يتعازمون و يحتفلون و يزورون اهلهم
خليك انت ببيتك ويه اولادك مامن على نفسك و على اهلك
اذا مضطر تطلع اطلع بكمامه و عوف الكفوف ما تفيد الكفوف بس اغسل ايدك و عقم كل شويه
و اول ما ترجع للبيت للحمام مباشره و لا تحضن اطفالك اول ما تدخل و ذب ملابسك و اغسلهم زين
الله نجاك الفتره اللي فاتت لان اخذت بالاسباب
و الله راح يسترها وياك
كمل و استمر
و كل مر سيمر
د. سيف سمير البياتي
اخصائي طب الاطفال
