حتى تعرفين شنو جاي بالطريق الك
و بعد ما قررتي تبدين باطعام طفلك
استعدي لحملات التنظيف
او خلي اسهلها عليك و اشتري مفرش بلاستيك و خليه تحته او تحت كرسيه
⭕كل الامهات الناجحات هن الامهات الهادئات
اللي تتوتر طفلها يتوتر وياها
لذلك كوني مرتاحه و هادئه
⭕ مثل ما انت مرتاحه خلي طفلك مرتاح
مو منزعج او تعبان او نعسان و تسويله هممم يا اسد
لان الاسد عاجبه ينام
⭕ شويه الوان الله يرضى عليك
مو كل مره بالماعون البلاستك او الفافون مال والدتك الله يحفظها
اختاري الوان مختلفه بالصحون و الملاعق
⭕ رفض الطعام عادي و اذا رفضه حاولي بعد يومين
⭕ خلي وكت اكله ويه وكت اكلكم كعائله
الاكل مثل الكلام تمرين
⭕ من ياكل راقبيه لحد ما يخلص و لا تتركيه
⭕ نوعي الوجبات مو كل يوم نفس الوجبه او نفس الخيارات بالطعام
⭕ لا تكولين على اي صنف طعام ما يحبه الا بعد ان تجربيه كل فتره 20 مره
اي نعم 20 مره
د. سيف سمير البياتي اخصائي طب الاطفال
