فيما يخص المكياج للاطفال
لازم تقرون الكتابة الي عليه
اكو مكونات سامة تضر الطفل لدرجة انه منظمة الغذاء والدواء العالمية سحبت المنتج من الأسواق بالبلدان المتقدمة
بس بالعراق ماكو هيج رقابة، انواع المكياج يدخل بلا رقابة ولا فحص
هواية من مستحضرات التجميل صح مكوناتها طبيعية مو صناعية
لكن خلو ببالكم مو كل طبيعي آمن
الرصاص و الزئبق و الزرنيخ والكادميوم عناصر طبيعية أحيانا يخلوها بمستحضرات التجميل لكنها عناصر سامة
واكو عناصر أخرى أحيانا موجودة بمستحضرات التجميل مثل الكوبلت والنيكل و الكروم شافوها تسوي تحسس
الخلاصة: حاول تمنع طفلك من استخدام مستحضرات التجميل لانه عدنا المواد ما مفحوصة وما ضامنين انها آمنة للأطفال والطفل حتى ممكن ياكلها او يخليها تطخ عينه
فإذا متكدر تدير بالك على طفلك او تمنعه من اللعب او استخدام مستحضرات التجميل
التزم بهالنصائح
١- اذا ماكو شرح لمكونات العلبة ملصوقة عليها او مكتوبة بلغة غير مفهومة فممكن تكون غير قانونية موادها فدير بالك منها وابعدها عن طفلك
٢- talc معدن الطلق هو احد مكونات مستحضرات التجميل موجود بشكل باودر في الأراضي القريبة من مادة الاسبست او الحرير الصخري، مادة الاسبست هاي مادة تسوي سرطان، فشافوا انه بعض الشركات الي تصنع مستحضرات التجميل لمن ديجون يشيلون معدن الطلق talc ديشيلون وياها مادة الاسبست ولكو هالمادة فعلا موجودة ببعض انواع الشادو و الكونتور و الخ
٣- اي مكياج مخزون بمكان حار جدا او رطب جدا لازم متخلون الطفل يستخدمه
٤- اي طفلة تخلي مكياج لازم تغسله بنهاية اليوم بمي و صابون ميبقى على وجهها
بدل هالدوخة كلها، ارفعوا مستحضرات التجميل بعيدا عن متناول اطفالكم لسلامتهم
—-
حساب التوعية على الانستغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال
