هذا المشهد كل الامهات على وجه الكره الارضية تعاني منه،
الي هو مجرد ما تنفتح الحفاظه يكمز الطفل ويروح يركض 😂
شنو سببة وليش يصير؟
تخيل انت لابس قبوط ثقيل جدا .. وفجاة تنزعه..
شنو الشعور؟ اكيد خفية ورغبة بالحركه 😁
هذا الي يحس بي الطفل،
ومو بس الحفاظ،
الملابس بالنسبة اله هي مثل قبوط ثقيل
لذلك مختصين النمو الحركي ، ينصحون الام ان تلبس الطفل اقل قدر ممكن من الملابس
وان تكون اليدان والساقان مكشوفه
حتى تسمح له بقدر اعلى من الحركه الحره الغير مثقلة بالملابس
وطبعا اكيد هيج وضع لازم تكون درجه حراره المنزل مناسبة
يعني البيت دافئ
واذا ندخل شوي بتفاصيل اكثر، فهذا الشي حتى للطفل حديث الولادة , يبقى بدون ملابس والجو يكون دافئ جدا بحيث الشخص البالغ يحسها شوي حارة (على اعتبار البالغ لابس ملابس)
نجي للواقع
جو العراق هو مشعلل ميحتاج تدفئه اضافية 😂
لذلك في فصل الصيف خفف ملابس طفلك وخلي ينعم بالحركه الحرة بدون اثقال الملابس ☺️
والطفل حديث الولادة في فصل الشتاء اذا متكدر توفر له جو مثالي الدفئ، ارحمه ولا تلفلفة بالف بطانيه تره يحتصر والله ويختنك 😅
بالمعقول ملابس تدفي وتكون خامتها ناعمه وقطنيه وليس صوفية ❌
زين هسه شنسوي من الطفل يكمز ؟
نركض وراه شنسوي قابل 😂
د.اسماء اسماعيل البدري