أغلى شي هو احسن شي؟
نظريه قد تبدو لوهله صحيحه فيما يخص الملابس او السيارات او العطور
بس من تختار و تطبق هذا الشي على طفلك راح تنصدم بخطأ هذه المقوله
خليني اكتبلكم امثله
الحليب الصناعي بيه ماركات و علامات تجاريه متعدده و اسعار غاليه و متوسطه و رخيصه
بس اكثر من طفل و اكثر من حاله لعوائل ميسورة الحال شافوا انه ارخص حليب بالسوق هو اللي ناسب طفلهم !!
و اما افضلهم و اللي يناسب كل الاطفال هو حليب الأم طبعا الارخص و الأفضل و الأحسن
الشامبوات مثلا للشعر
اكو شامبوات غاليه كنت اشتريها للبنات ( بناتي ) بعدين اكتشفت انه عدهم تحسس من هذا الشامبو و حولت على شامبو عرفني عليه احد الزملاء سعره ما يتجاوز ال 6 آلاف دينار و عبوه جدا كبيره و شعرهم جدا احسن
مثلها العصاره المرطبه لمنطقه الحفاظ اكو مراهم سعرها ١٥ الف و تثير حساسية للطفل و تزيد الطين بله في حين عصاره الزنك الزرقاء و سعرها ٧٥٠ دينار إلى ١٠٠٠ دينار اكثر من جيده لأكثر من طفل اعرفه و لاحد أولادي
الحفاظات و نوعيتها مثال اخر
فكم طفل تحسس من أغلى نوعيه حفاظ و استعدل على ارخص نوعيه حفاظ
اما اكثر ما يضحكني هو من أنصح بالملهيه اللي تكون رخيصه و تجي الأم تكول دكتور شو هذا حبها للملهيه الرخيصه و ما يحب ام ال ٦ آلاف
هههههه و بأكثر من طفل و اكثر من حاله
ملاحظه صغيره الملهيه ننصح بيها من عمر شهر إلى ٦ أشهر فقط
اخر شي هذا لا يعني ابدا اختيار نوعيه رخيصه للمميات( الببرونات) لان النوعيات الرخيصه تكون حسابها خطأ فيتعرض الطفل للمغص و الإمساك نتيجه خطأ الحساب
عيدكم سعيد و اقتصادي
د. سيف سمير البياتي اخصائي طب الاطفال
نظريه قد تبدو لوهله صحيحه فيما يخص الملابس او السيارات او العطور
بس من تختار و تطبق هذا الشي على طفلك راح تنصدم بخطأ هذه المقوله
خليني اكتبلكم امثله
الحليب الصناعي بيه ماركات و علامات تجاريه متعدده و اسعار غاليه و متوسطه و رخيصه
بس اكثر من طفل و اكثر من حاله لعوائل ميسورة الحال شافوا انه ارخص حليب بالسوق هو اللي ناسب طفلهم !!
و اما افضلهم و اللي يناسب كل الاطفال هو حليب الأم طبعا الارخص و الأفضل و الأحسن
الشامبوات مثلا للشعر
اكو شامبوات غاليه كنت اشتريها للبنات ( بناتي ) بعدين اكتشفت انه عدهم تحسس من هذا الشامبو و حولت على شامبو عرفني عليه احد الزملاء سعره ما يتجاوز ال 6 آلاف دينار و عبوه جدا كبيره و شعرهم جدا احسن
مثلها العصاره المرطبه لمنطقه الحفاظ اكو مراهم سعرها ١٥ الف و تثير حساسية للطفل و تزيد الطين بله في حين عصاره الزنك الزرقاء و سعرها ٧٥٠ دينار إلى ١٠٠٠ دينار اكثر من جيده لأكثر من طفل اعرفه و لاحد أولادي
الحفاظات و نوعيتها مثال اخر
فكم طفل تحسس من أغلى نوعيه حفاظ و استعدل على ارخص نوعيه حفاظ
اما اكثر ما يضحكني هو من أنصح بالملهيه اللي تكون رخيصه و تجي الأم تكول دكتور شو هذا حبها للملهيه الرخيصه و ما يحب ام ال ٦ آلاف
هههههه و بأكثر من طفل و اكثر من حاله
ملاحظه صغيره الملهيه ننصح بيها من عمر شهر إلى ٦ أشهر فقط
اخر شي هذا لا يعني ابدا اختيار نوعيه رخيصه للمميات( الببرونات) لان النوعيات الرخيصه تكون حسابها خطأ فيتعرض الطفل للمغص و الإمساك نتيجه خطأ الحساب
عيدكم سعيد و اقتصادي
د. سيف سمير البياتي اخصائي طب الاطفال