#الحبل_السري_يترك_جافا
الحبل السري يقطع بعد الولاده و يربط بنهايته بمشبك يمنع تسرب الدم من بعد قصه بالمقص او الشفره الجراحية ( العمليه تكون غير مؤلمه لان الحبل السري لا يحتوي على نهايات عصبيه )
❤ يبقى الحبل السري ملتصقا بالطفل و اؤكد على موضوع ان الحبل السري لا يحتوي على اي الياف حسيه لذلك فان طفلك لا يتأذى باي شكل من الأشكال اذا ضغط على الحبل السري
❤ تمر الساعات على الحبل السري و يتغير لونه إلى لون غامق و من ثم يسقط خلال ٣ أسابيع بدون اي تدخل و لا يحتاج إلى اي شي سوى أن يترك جافا معرضا للهواء
❤ ممكن ان يسقط الحبل السري مبكرا خلال أسبوع و ممكن ان يتأخر لغايه 21 يوم
❤ شنو اسوي للعنايه بالحبل السري؟
و لا شي فقط اتركيه جافا
خارج الحفاظ
و خارج الملابس اذا امكن
❤ الحبل السري في العراق نال حصته من التخلف فوضعوا على نهايته الباريستول و كبسون الالتهابات و الحناء و حتى الروث البقري و الكل يدعي انه يساعد على وقوع الحبل السري و الحقيقه انه وحده يقع و لا يحتاج مساعده
❤ ماكو داعي نغسله للحبل السري؟
لا ما يحتاج
بالعكس نؤخر غسل الطفل لما يقع الحبل السري
❤ نستخدم كحول ؟
لا ماكو داعي لتغطيه السره بالكحول ابدا
❤ بس دكتور فلان كال خلي كحول ؟
اي الطبيب الفلاني ينصح بوضع الكحول نقلا عن الجمعيه الامريكيه لطب الأطفال اللي تكول خلوا كحول
بس منظمه الصحه العالميه تكول خلوه جاف قدر الإمكان
❤ اني اريد اخلي كحول ما عليه ! شون اخلي الكحول ؟
الكحول ماده سامه و ممكن امتصاصها من الجلد فلا تضع الكحول بشكل بخاخ و إنما ضعه باستخدام قطنه او قطعه شاش على الحبل السري فقط ولو اني ضد بس اقلها انصح اقل ضررا من الرش على جلد الطفل
❤ ماكو داعي اي للقلق إذا نزلت كم قطره دم او نضح بسيط لسائل بسيط
❤ شغله أخرى مهمه لا لكثر الاغطيه للاطفال فنريد السره مكشفه لما يسقط الحبل السري
❤ شوكت أكدر اسبحه كامل للطفل ؟
بعد ما يسقط الحبل السري للطفل
❤ لعد ليش بفلان مستشفى سبحوه و انطونا اياه؟
على الرغم من اعتراضي على هذه الخطوه الا ان تسبيح الطفل بالمستشفى اكيد يتم بظروف اكثر نظافه بكثير من حمام البيت
لذلك لا ناخذها كذريعه لغسل الأطفال بالبيت
مختصر مفيد ؟
طلع السره بره لما توكع و بس
د. سيف سمير البياتي اخصائي طب الاطفال
الحبل السري يقطع بعد الولاده و يربط بنهايته بمشبك يمنع تسرب الدم من بعد قصه بالمقص او الشفره الجراحية ( العمليه تكون غير مؤلمه لان الحبل السري لا يحتوي على نهايات عصبيه )
❤ يبقى الحبل السري ملتصقا بالطفل و اؤكد على موضوع ان الحبل السري لا يحتوي على اي الياف حسيه لذلك فان طفلك لا يتأذى باي شكل من الأشكال اذا ضغط على الحبل السري
❤ تمر الساعات على الحبل السري و يتغير لونه إلى لون غامق و من ثم يسقط خلال ٣ أسابيع بدون اي تدخل و لا يحتاج إلى اي شي سوى أن يترك جافا معرضا للهواء
❤ ممكن ان يسقط الحبل السري مبكرا خلال أسبوع و ممكن ان يتأخر لغايه 21 يوم
❤ شنو اسوي للعنايه بالحبل السري؟
و لا شي فقط اتركيه جافا
خارج الحفاظ
و خارج الملابس اذا امكن
❤ الحبل السري في العراق نال حصته من التخلف فوضعوا على نهايته الباريستول و كبسون الالتهابات و الحناء و حتى الروث البقري و الكل يدعي انه يساعد على وقوع الحبل السري و الحقيقه انه وحده يقع و لا يحتاج مساعده
❤ ماكو داعي نغسله للحبل السري؟
لا ما يحتاج
بالعكس نؤخر غسل الطفل لما يقع الحبل السري
❤ نستخدم كحول ؟
لا ماكو داعي لتغطيه السره بالكحول ابدا
❤ بس دكتور فلان كال خلي كحول ؟
اي الطبيب الفلاني ينصح بوضع الكحول نقلا عن الجمعيه الامريكيه لطب الأطفال اللي تكول خلوا كحول
بس منظمه الصحه العالميه تكول خلوه جاف قدر الإمكان
❤ اني اريد اخلي كحول ما عليه ! شون اخلي الكحول ؟
الكحول ماده سامه و ممكن امتصاصها من الجلد فلا تضع الكحول بشكل بخاخ و إنما ضعه باستخدام قطنه او قطعه شاش على الحبل السري فقط ولو اني ضد بس اقلها انصح اقل ضررا من الرش على جلد الطفل
❤ ماكو داعي اي للقلق إذا نزلت كم قطره دم او نضح بسيط لسائل بسيط
❤ شغله أخرى مهمه لا لكثر الاغطيه للاطفال فنريد السره مكشفه لما يسقط الحبل السري
❤ شوكت أكدر اسبحه كامل للطفل ؟
بعد ما يسقط الحبل السري للطفل
❤ لعد ليش بفلان مستشفى سبحوه و انطونا اياه؟
على الرغم من اعتراضي على هذه الخطوه الا ان تسبيح الطفل بالمستشفى اكيد يتم بظروف اكثر نظافه بكثير من حمام البيت
لذلك لا ناخذها كذريعه لغسل الأطفال بالبيت
مختصر مفيد ؟
طلع السره بره لما توكع و بس
د. سيف سمير البياتي اخصائي طب الاطفال