عنوان عيادة الدكتور سيف سمير البياتي في بغداد للحجز والاستفسار
د. سلمان داود – مقيم اقدم اطفال الاحدث مقالات
ولو اني أبدا ما انصح بالجداول الخاصه بالاكل بس جدا حبيت هذا الجدول المقترح لطعام الطفل حتى ناخذ فكره عن بعض الأفكار الغذائيه بالعالم واترجمه الكم هذه العلامه تعني 🎀 مستوى حساسيه عالي : 💖 الحبوب رز اسمر رز ابيض 💖 الخضراوات و تصنع كبيوريه بطاطا حلوه بطاطا بيضاء جزر يقطين شجر الجزر الابيض 💖 الفواكه و تخفق كبيوريه الموز العرموط افوكادو الخوخ المشمش 😍 ٦ إلى ٩ اشهر 💖 الحبوب الحنطه 🎀 الشعير الشوفان الكينوا 💖 الفواكه كبيوريه او مقطعه او مهروسه كرز بطيخ مشمش كيوي اناناس طماطم الحمضيات الفراوله 💖 الخضراوات و البقوليات كبيوريه او مهروسه الفاصوليا البزاليا الخضراء الشجر الباذنجان القرنابيط الحمص المهروس البصل السبانغ 💖 مشتقات الحليب اللبن 🎀 💖 البيض 🎀 اهم شي بيض مسلوق او مقلي 🎀 💖اللحم أبدا بالدجاج اللحم الديك الرومي 💖السمك 🎀 السمك الابيض🎀 التونا🎀 السردين 🎀 💖زبده الفستق 💖 أخرى الثوم الأعشاب الفطر 😍 ٩ إلى ١٢ شهر نفس الخضراوات و الفواكه بس مقطعه و تكون اصلب أكثر 💖 جبن ابيض 🎀 💖 الحبوب: المعكرونه🎀 أكثر من ١٢ شهر 💖 الذره 💖العسل 💖الحليب الكامل الدسم اللي نستفاده من الجدول هو اولا عدم الاستعجال و كل ٤ ايام ننطي وجبه جديده و ناكد على اللحم بحدود ال ٦ اشهر و ما ناجله بعد السنه كما تقول الخرافه العراقيه يسوي دود اللي محد يدري شون !!! ناكد على الحليب الكامل الدسم بعد السنه يلا بالنهايه اؤكد انت حره باتباع او رفض هذا الجدول د. سيف سمير البياتي اخصائي طب الأطفال
ولو اني أبدا ما انصح بالجداول الخاصه بالاكل بس جدا حبيت هذا الجدول المقترح لطعام الطفل حتى ناخذ فكره عن بعض الأفكار الغذائيه بالعالم واترجمه الكم هذه العلامه تعني 🎀 مستوى حساسيه عالي : 💖 الحبوب رز اسمر رز ابيض ...
العدس هو من اهم البقوليات لاحتوائه على الحديد و البروتين و الالياف بكميات كبيره العدس صديق للاطفال العدس يسموه لحم الفقير لان ارخص من اللحم و بيه كميات وافره من الطاقه و الحديد نذكر بفوائده 1. غني بالالياف فالكوب الواحد بيه ٨ غرامات الياف و الياف اكثر اذن امساك اقل 2. غني بالحديد و هذا شي يخليه من الخيارات الجيده لفقر الدم و لمنع فقر الدم 3. المناعه لاحتوائه على الزنك الضروري للمناعه 4. يحتوي على الكالسيوم بنسبه لا باس بها 5. الفولك اسد من ضمن محتوياته و يحتوي على فيتامين B 🔘شوكت اضيف العدس؟ العدس من البقوليات اللي معروف عنها انه تسوي انتفاخ لذلك افضل نبدي بكميات قليله و بالشهر الثامن الى العاشر هذا لا يعني انه اللي يضيف العدس بطعام الطفل بعمر ٦ اشهر خطا ! بس ممكن يعرضه لانتفاخ هو في غنى عنه 🔘 طريقه لتقليل الانتفاخ من العدس هي باضافه الخضراوات للطبق و وزاره التجاره العراقيه راح تنطينا عدس و حمص مجروش بالحصه ماكو مبروك؟ د. سيف سمير البياتي اخصائي طب الاطفال
العدس هو من اهم البقوليات لاحتوائه على الحديد و البروتين و الالياف بكميات كبيره العدس صديق للاطفال العدس يسموه لحم الفقير لان ارخص من اللحم و بيه كميات وافره من الطاقه و الحديد نذكر بفوائده 1. غني بالالياف فالكوب الواحد ...
عصارة نستاكورت للاطفال
طفح الحفاظات !وحدة من المشاكل اللي تواجه الاطفال باختلاف نوعيه بشراتهم و اختلاف نوعيه حفاظاتهم و حتى نوعيه طعامهمطفح الحفاظات شائع جداو يتعالج كثيرا كما في اغلب امراض الاطفال خطالان ام عبودي تخلي العصارة الصفره ( النستاكورت ) و طفلها ...
جرعه شراب خافض الحراره الباريستول مثل الادول و البندول و الانتي بايرول بتركيز ١٢٠ ملغرام/ ٥ سيسي هي بالسيسي نص الوزن ٣ إلى ٤ مرات باليوم ناقص نص إلى ١ سيسي يعني الطفل اللي وزنه ١٠ كيلوات تنطيه٤ إلى ٥ سيسي الجرعه بين جرعه و أخرى ٦ إلى ٨ ساعات الطفل اللي وزنه ٢٠ تنطيه٩ الى ١٠ سيسي الجرعه بين جرعه و أخرى ٦ إلى ٨ ساعات اللي وزنه ٧ شكد ياخذ؟ ٣ إلى ٣ و نص سيسي ممكن تنقصين نص إلى ١ سيسي ملاحظه : انتباه انتباه اكو خافض حراره بجرعه ٢٥٠ ملغرام/ ٥ سيسي و هذا حسابه ربع الوزن يعني ابو ال ١٠ كيلو ياخذ ٢ و نص سيسي الجرعه فاحذر زياده الجرعه ملاحظه أخرى لمتابعي الصفحه خارج العرلق اكو تركيز ٥٠٠ ملغرام / ٥ سيسي فاحذروا أكثر ملاحظه أخيره: من أخطر أنواع التسمم هو التسمم الباريستول فاحفظه بعيدا عن متناول الأطفال و لا تفرط باستخدامه و لا تنسون المشاركه و الاعجاب بالصفحه
جرعه شراب خافض الحراره الباريستول مثل الادول و البندول و الانتي بايرول بتركيز ١٢٠ ملغرام/ ٥ سيسي هي بالسيسي نص الوزن ٣ إلى ٤ مرات باليوم ناقص نص إلى ١ سيسي يعني الطفل اللي وزنه ١٠ كيلوات تنطيه٤ إلى ٥ ...
هل دغدغه الاطفال امينه ؟ لا دكتور سيف شدعوه راح تكتب عن هذا الموضوع و هم كول بيه مشكله اذا دغدغنا اطفالنا؟ اني راح اكتب و انتوا قرروا ⭕حتى تعرف انه اي تصرف تجاه طفلك صحيح لو لا خلي نفسك بمكانه هل يعجبك انه احد يدغدغك؟ هذا السؤال سالوه لبالغين ثلثهم فقط كالوا اوكي ماكو مشكله اذا احد دغدغدنا في حين ثلثين منهم توزعوا كالتالي انه ثلثهم يكرهون الموضوع و ثلث اخر كالوا لا نحب و لا نكره هذا المبدا لو تطبقه على اي تصرف ويه طفلك راح تترك هوايه تصرفات منها جبر الطفل على الاكل مثلا 😏 لذلك قبل ما تدغدغ طفلك اسال نفسك هل طفلك يحب يتدغدغ؟ زين شون اقيس و هو ما يحجي اصلا ما اعرف انت جاوب نفسك ! خلي ببالك موضوع انه طفلك يضحك و انت تدغدغه هو منعكس هو مو دلاله انه هو مستمتع صح؟ ⭕ بدراسه بجامعه كاليفورنيا شافوا انه مقياس السعاده هو مو نفسه من تقارن الدغدغه مع النكات مثلا ! ⭕ مع شديد الاسف هناك بعض الشخصيات تلح مع الاطفال بالدغدغه و هذا يترك اثر سيء عند نفسيه الطفل فيكره الشخص الى حد مزعج ⭕ نعود لتاريخ الدغدغه بالعالم فلا ننسى انه الدغدغه كانت طريقه للتعذيب في عصر سلاله هان الحاكمه في الصين الرومان كانوا يعذبون اللي يكسر القانون انه يخلون قدم المجرم بالملح و بعدين يخلون الماعز يلعق قدمه فيتعذب بالضحك !!! ⭕ لا ننسى انه الدغدغه لفتره طويله راح تخلي الطفل يفقد السيطره و ما يكدر يكول انه كافي توقف و ممكن هالشي ياثر على تنفسه بالاخير اكول اعرف انه انتوا تدغدغون اولادكم حبا بس اكو الف طريقه و طريقه الطف حتى توصلون حبكم لاولادكم د. سيف سمير البياتي اخصائي طب الاطفال
هل دغدغه الاطفال امينه ؟ لا دكتور سيف شدعوه راح تكتب عن هذا الموضوع و هم كول بيه مشكله اذا دغدغنا اطفالنا؟ اني راح اكتب و انتوا قرروا ⭕حتى تعرف انه اي تصرف تجاه طفلك صحيح لو لا خلي نفسك ...
شون احسب جرعه الأنتي بايرول القطرات؟ هذا هو الشكل الجديد لقطرات الأنتي بايرول شون احسب الجرعه؟ تفتحين القطرة تلكين بيها تاشيرات 0.25 مل 0.5 مل 0.75 مل 1 مل كل ٢ كيلو و نص بتاشيره يعني شون؟ وزن الطفل ٢.٥ كيلو ننطيه لاول تاشير وزن الطفل 5 كيلو ننطيه لحد 0.5 مل وزن الطفل 7 او 7.5 ننطيه لحد 0.75 مل و ال 10 كيلوات ننطيه سيسي كامل نفس الشي تقريبا لقطرات الادول و بيه تأشيرات 0.4 مل 0.6 مل 0.8 مل 1 مل يعني وزنه ٤ كيلوات ننطيه لحد 0.4 مل وزنه 6 كيلو ننطيه 0.6 مل و هكذا د. سيف سمير البياتي اخصائي طب الاطفال اعرفكم على الشكل الجديد للانتي بايرول من شركه سامراء لصناعة الادوية
شون احسب جرعه الأنتي بايرول القطرات؟ هذا هو الشكل الجديد لقطرات الأنتي بايرول شون احسب الجرعه؟ تفتحين القطرة تلكين بيها تاشيرات 0.25 مل 0.5 مل 0.75 مل 1 مل كل ٢ كيلو و نص بتاشيره يعني شون؟ وزن الطفل ٢.٥ ...
صدك دكتور شون تتعامل ويه النشله ويه اطفالك ؟ النشله او السعال و الرشح او الكريب او نزله البرد حسب لهجات العراق و الدول المجاوره هو مختصر لمرض يتكون من رشح و حراره طفيفه و سعال احيانا المرض بسيط و يستغرق عاده من ٧ الى ١٤ يوم اي عادي النشله تستغرق اسبوعين و كل طفل عادي ينشل من ٦ الى ٨ مرات نشله بالسنه و طبيعي جدا و ما يدل على اي شي مرضي اذا الطفل انصاب بالنشله ١٢ مره بالسنه زين هذا التعريف الاهم شتسوي؟ و لا شي ببساطه هي نشله تاخذ فترتها و تروح تنظيف انف ببخاخ ملحي و راحه و من يبدي سعال انطي عسل او شراب عشبي مصنوع من العسل اذا صارت عدهم حراره خافض حراره و بس بناتي الكبار هيجي و احيانا كنت انطيهم شرابات بيها الرمين مثل التسليت و الراينوراز مو اكثر ابني عنده تحسس فاكيد ما انطيه اي شي بيه الرمين فممنوع انطيه تسليت او راينوراز الا اذا مطئمن لوضع قصباته و هم ما اتذكر ناطيه نبدي وياه بخطوات بسيطه وراها نبدي بخاخات فنتولين اذا احتاج طبعا ممكن نتقدم اكثر لعلاجات اكثر بس و لا مره وصلت للمضاد الحيوي و احرص كل الحرص على السوائل و الماء و الرضاعه اكيد ما انطيهم عسل قبل السنه هذا بوست بسيط عن كيفيه علاج النشله صرفك للمضاد الحيوي لا يعني شيئا غير اضعاف مناعه طفلك لا اكثر صرفك للكولدين و التسليت و الراينوراز لا يساعد الا باطاله فتره السعال اذا طفلك عنده تحسس لا اكثر هالله هالله بفلوسكم و بصحه اطفالكم و بتصرفكم بالمضادات الحيويه و كانها عصير فراوله دمتم بود د. سيف سمير البياتي اخصائي طب الاطفال
صدك دكتور شون تتعامل ويه النشله ويه اطفالك ؟ النشله او السعال و الرشح او الكريب او نزله البرد حسب لهجات العراق و الدول المجاوره هو مختصر لمرض يتكون من رشح و حراره طفيفه و سعال احيانا المرض بسيط و ...
السكوة : السكوة كما هي معروفة بالعراق واحياناً تسمى بالكرفة او الجويفة او الكروف ، تعطى للطفل المصاب بألاسهال والتقيؤ و تشخص مرضه العارفة على انه ( شام او كارف) وهي عبارة عن ثلاث مجاميع : نباتي ، حيواني و معدني. تقوم العرّافات ، الحجّيات او السحرة بتحضيرها و سقيها للاطفال او الكبار . لكن عادة للصغار المصابين بالاسهال المزمن. بحجة انه ممسوس بسحر (متنفس رائحة مجاري او داخل على امرأة حامل او غير ذلك) مكونات السكوة: تختلف مكونات السكوة من عارفة لاخرى لكن توجد مواد مشتركة : النباتي منها الدفلة ، ورد الساعة ، الحبة السوداء، الكمون، وردة الملكة. الحيواني منها : جلد القنفذ (في العراق) اضافر الحيوانات (في السعودية) اضافر الانسان (في السعودية والمغرب). المعادن : يضاف لها الحبر ، كمية من الرصاص. ادوية : لومتيل (لوبرامايد) مضاد اسهال ممنوع على الاطفال. مخاطر واعراض التسمم بالسكوة : 1 – تقيؤ مع مرارة في الفم، مغص شديد ، و اسهال حاد. 2 – جفاف 3 – فشل كلوي حاد 4 – ارتفاع درجة الحرارة 5 – نوبات صرع (ليست في جميع الحالات) 6 – وفاة الطفل. ( بنسبة 70 % من حالات التسمم ) علاج التسمم بالسكوة : بسبب اختلاف المكونات بين العارفات لا يوجد مضاد تسمم للسكوة والعلاج الوحيد هو اعطاء محاليل وريدية وتصحيح تركيز عناصر الدم في الجسم مع امكانية اعطاء مضاد تقيؤ بتراكيز محسوبة . اشكال السكوة: 1 – شربها. 2 – جرح فروة الرأس و وضعها بشكل عجينة. 3 – تشبه الحناء يوضع على الرأس و سقف الفم و الانف. حسب احصائيات غير رسمية ذكرت انه يتوفى طفلين من اصل كل 3 اطفال يدخلون المستشفى نتيجة التسمم بالسكوة —- حساب التوعية على الانستاغرام https://instagram.com/dr_salmand?igshid=qbd41hnknyb3 د. سلمان داود مقيم اقدم اطفال
السكوة : السكوة كما هي معروفة بالعراق واحياناً تسمى بالكرفة او الجويفة او الكروف ، تعطى للطفل المصاب بألاسهال والتقيؤ و تشخص مرضه العارفة على انه ( شام او كارف) وهي عبارة عن ثلاث مجاميع : نباتي ، حيواني و ...