⭕⭕ يمته مايصير مريض الربو يصوم ؟؟ ⭕⭕
⭕ اللي عدهم مرض ربو شديد أو غير مسيطر عليه
⭕ اللي عدهم أزمة ربو حاليا
⭕ اللي عدهم الربو وأمراض مزمنة أخرى هم
⭕ في الأيام اللي الجو بيها حار
⭕ اللي عدهم التهابات تنفسية
⭕ اللي عدها ربو و هي حامل او مرضعة
⭕ اللي يحسون أنه وضعهم مو تمام
⭕⭕ هل استخدام بخاخات الربو تفطر الصوم؟ ⭕⭕
⭕ بعض علماء الدين يقولون انه استخدام بخاخات الربو ما تفطر الصوم
⭕ ولكن البعض الآخر يقولون إنه استخدام بخاخات الربو تفطر الصيام
⭕⭕ شلون يقدر مريض الربو يستخدم ادويته ومن ضمنها البخاخات وقت الصوم ؟؟ ⭕⭕
⭕ اذا طبيبك المعالج قرر أنه مريض الربو يقدر يصوم، ذاك الوكت راح يرتبلك ادويتك،
⭕ مثلا الأدوية اللي تأخذها مرة باليوم تأخذها وقت الإفطار، والأدوية اللي مرتين باليوم تأخذها ويا الافطار و وقت السحور
⭕⭕ نصائح لمريض الربو اللي يصوم: ⭕⭕
⭕ لازم قبل ما تصوم تستشير طبيبك المعالج حتى تعرف هل مرضك مسيطر عليه وتقدر تصوم لو لا، واذا تقدر تصوم حتى يرتبلك ادويتك
⭕ رمضان احسن فرصة أنه تبطل تدخين، اذا بطلت تدخين فاعراضك راح تخف ومرضك يمكن السيطرة عليه بسهولة
⭕ ما يصير ابدا ابدا توقف ادويتك أو تقللها من روحك بدون ما تستشير طبيبك، لان اذا سويت هالشي راح تزيد شدة اعراضك، وممكن يصير عندك ازمة ربو حادة وممكن تشكل خطورة على حياتك
⭕ لازم تشرب مي هواية عالاقل ٢-٣ لترات بين الإفطار والسحور، لان الجفاف يخلي الجهاز التنفسي جاف وبالتالي راح تسوء أعراض المرض خاصة اللي تزيد أعراضهم أو تبدأ وقت الرياضة أو الإجهاد
⭕ البخاخ المنقذ – البخاخ اللي يستخدم عند الحاجة و في حال حدوث نوبات الربو – لازم يكون وياك دائما في حال صار عندك نوبة ربو حادة
⭕ اذا سائت أعراض الربو عندك لازم تراجع طبيبك المعالج
⭕ اذا صارت عندك ازمة ربو حادة و ما تستجيب للبخاخ المنقذ لازم تروح الطوارئ و ورا ما تخلص الازمة ويتم تخريجك من المستشفى تراجع طبيبك المعالج
⭕ ابتعد عن الرياضة والاجهاد
⭕ ابتعد عن الاماكن الحارة أو اللي بيها غبار
⭕ قلل قدر الإمكان الحزن والقلق
⭕ ابتعد عن الاكلات الحارة أو المليئة بالبهارات و خاصة البهارات الحارة
شتقترحولي مواضيع خاصة برمضان حتى اكتب الكم عنها؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
FB.com/DrSoranHassanZangana2
Instagram.com/DrSoranHassanZangana2