اليوم البوست عن الشمره الحراريه
🤗 هلو دكتور يعني شنو شمره حراريه؟
الشمره الحراريه هي حركات لا اراديه تصير ويه ارتفاع درجات الحراره و يفقد بيها الطفل الوعي و قد يتدرر على روحه الطفل
😅 زين دكتور تصير بعمر معين؟
اي نعم تصير من عمر ٦ اشهر إلى ٦ سنين فاللي قبلها و اللي بعدها تحتمل تشخيص آخر
😃 دكتور بيها أنواع؟
بيها نوعين
اولا البسيطه و هاي من شروطها تصير بس شمره وحده خلال فتره ٢٤ ساعه و اقل من ٥ دقايق هي اغلب الأنواع
ثانيا : المعقده و هاي من تصير شمرتين خلال فتره ٢٤ ساعه او من تطول أكثر من ٥ دقايق
😫 زين ممكن ترجع الشمره ؟
اكو عوامل تخليها ترجع و يكدر يحسبلك النسبه الطبيب
من أهم هذه العوامل
١. ان درجه الحراره اللي صارت بيها شمره هي ٣٨ إلى ٣٩ يعني مو كلش عاليه تصير هذا معناها انه الشمره ممكن تتكرر اكثر من اللي ينشمر بحراره ٣٩ الى ٤٠
٢. كون الطفل المصاب بالشمره ذكر
و هذا يعني انه الذكر معرض للتكرار اكثر من الانثى
٣. تاريخ طبي عائلي بنفس الموضوع
يعني اللي عدهم تاريخ طبي عائلي بالشمره يكون معرض اكثر لتكرار الشمره من اللي ما عدهم تاريخ طبي عائلي
😣 زين دكتور ابني شمرته متكرره و مدا الحك عليها بكل مره ؟
مو بس انت ما تلحكين بيها أكثر الأمهات يكولن هالشي
😊 يأثر بالمستقبل عليه او محتمل يصير صرع ؟
هو بالحقيقة تزيد النسبه ١% فقط يعني مو كلش هوايه بالنسبه للشمره البسيطه
😀 ممكن تصير وقايه من الشمره أول ما يصخن الطفل ؟
اي ممكن بعد تقييم النسب يكدر الطبيب يحسبلك نسبه الخطوره و يشوف شنو العلاج الأنسب
😀 شنو الإسعاف الأولي اللي اسويه من تصير عنده شمره ؟
أهم شي تكلبيه على اليسار و تفتحين رقبته مثل الصوره و تحسبين شكد طولت الشمره و بدربك للمستشفى
لا تخلين شي بحلكه بحيث يختنك
مشاركتك للبوست قد تنقذ حياه
😊 زين دكتور سامعه من تصير بيه شمره اخليه جوه المي صحيح هذا التصرف؟
امي الشمره و صارت بعد ع شنو منزله حرارته بهاي الطريقه تحميله جدا كافيه حتى يرتاح الطفل
😏 اكو طربقة اتوقع بيها الشمرة الاولى؟
لا طبعا لان مو كل الاطفال ينشمرون و مو كل مره يصخنون ينشمرون لذلك هذا غير قابل للتوقع ابدا
د. سيف سمير البياتي
اخصائي طب الاطفال
