تعالوا نصحح هالمفهوم
– ابني مناعته ضعيفه و كلما يروح للروضة او المدرسه يتمرض لان مناعته ضعيفه !
الجواب
الطفل اللي يتمرض هوايه بالروضة او الحضانه اكيد يتمرض لسبب واحد فقط هو الروضه
اي نعم
الطفل اللي يتمرض هوايه هو بسبب اما الروضه مزدحمه اكثر من المعقول
او نظام التهويه بالروضة سيء للغايه
نفس الشي بالنسبه للاطفال اللي يتمرضون بالعوائل الكبيره و بالأخص اللي عدهم اطفال هوايه
تتذكرون الحجر الصحي من كعدنا بالبيت شون اطفالنا قلت الأمراض عدهم ؟
اي هو هذا
لذلك كثر مرض طفلك ما يدل على المناعه القليله و إنما في الغالب على كثر اختلاطه بالاخرين
#اغلب_امراض_الاطفال_عدوى
#الاسهال_عدوى
#التهاب_اللوزتين_عدوى
#النشله_عدوى
د. سيف سمير البياتي اخصائي طب الاطفال
from د. سيف سمير البياتي