رح اضرب عصفورين بحجر بهذا البوست
اول شي اسأل انتوا هم مثلي تشوفون انه بمجتمعنا كلش هوايه اشخاص مايحترمون خصوصيه المقابل حتى لو كان مريض يتدخلون بمرضه وبطريقه علاجه
تصوروا قبل فتره شخص بعث طلب للادمن عالخاص انه هو مصاب بحساسيه الحنطه ومجبر ان يكون ملتزم جدا لكن كلما يطلع ويه جماعته لازم يسمع تعليقات وشدعوه هلكد انت محبكها ومره ومرتين ما تؤثر 🙄🙄
ما اعرف منين عرفوا ما تؤثر
هسه اقوللكم شلون تؤثر
الضرر اللي يصير بأمعائهم يحتاج سنتين عالاقل بالاطفال ويوصل الى خمس سنوات بالبالغين حتى يتصلح ويرجع لطبيعته
طيب دكتوره واذا ما التزم وما (حبكها) كلش شيصير ؟؟؟
ياعيني عالمدى القريب حيصير مغص واسهال وصداع وفقر دم وعدم امتصاص للفيتامينات والمعادن ويمكم الحساب
اما عالمدى البعيد فلا سمح الله الف مره احتمال يصير مرض مو زين
لذلك ساعدوهم وشجعوهم والحمد لله اكو هوايه خيارات اخرى
اكو انضمه غذائيه خاصه
واكو اغذيه مصنوعه اصلا خاليه من الكلوتين
الصوره تمثل الفرق بين بطانه الامعاء للشخص السليم والشخص المصاب بحساسيه الحنطه اللي ماملتزم لاحظوا شلون الزغابات صايره فلات متدمره لاتشتغل ولاتمتص اغذيه وحديد
الله يعافي الجميه ولكلشي حل وبدائل
د.زينه البياتي/طبيبه تغذيه
www.tiktok.com/@zeenas.bayaty
https://www.facebook.com/zinaclini/
https://instagram.com/albayatyzina?igshid=1uvmggtlwokl8
#جمال
#تجميل
#تغذيه
#fitness
from د. سيف سمير البياتي