زين ليش نزل دكتور سلمان بوست بخصوص ترقيم المميات؟
الموضوع كالتالي
الحليب يتحضر بطريقه معينه مكتوبه على العلبه
الكيله الكبيره = رقمين
الكيله الصغيره = رقم
زين الرقم شكد؟
الرقم 28 سيسي و للسهوله يحسبوها 30 سيسي
هاي كلنا نعرفها
الخطأ وين دا يصير ؟
اكو نوعيه مميات من ماركه مو اصليه بس هذه المميه سعرها مناسب فنشوفها منتشره بكثره
الرقم مالتها 15 سيسي او 20 سيسي
و بالتالي ؟
الحليب يصير ثخين
و بالتالي
حليب اكثر = مغص اكثر = امساك اكثر
ثاني خطأ يصير
بالكيله الكبيره
و الكيله الصغيره
كاعد تسوي بعض الأمهات العكس
قسم منهن يخلون كيله صغيره برقمين و هذا راح يخلي الطفل ما يكبر ( مسويتله ريجيم )
و قسم منهن يخلون كيله كبيره برقم و هذا راح يسوي مغص
لذلك جيكوا المميه
و اقروا العلبه زين
دمتم بود و صحه
د. سيف سمير البياتي اخصائي طب الاطفال
from د. سيف سمير البياتي