ليش بعض الاطفال و حتى الكبار كلما يرضعون او ياكلون يرحون للتواليت و يصير عدهم خروج؟
لهذا نكول نعلم الطفل انه بعد الفطور بربع ساعة تاخذيه للتواليت ؟
الجواب هو:
هذا منعكس طبيعي اسمه
Gastrocolic reflex
بالعربي المنعكس المعدي القولوني
من يدخل الطعام لمعدتنا تتمدد المعده و تنطي ايعاز عصبي للامعاء انه تحركي
تتحرك الامعاء كلها
و بالتالي يصير خروج
الفائده من البوست بشكل عملي
هي
1. الطفل طبيعي و ماكو مشكله بالموضوع بالعكس شي عادي و طبيعي
2. تعليم التواليت يكون بعد الفطور بربع ساعه حتى نستفاد من المنعكس
3. توقع توقيت الخروج للطفل و تعليمه مبكرا على ضبط نفسه
د. سيف سمير البياتي اخصائي طب الاطفال
from د. سيف سمير البياتي