مرحبا
مرحبا
شكد وزن الطفل بعد الولاده
اول سؤال و اهم سؤال
احفظيه
عليه نبني وزن الطفل بأول سنه او اثنين و حتى أحيانا بعدها
شون يعني ؟
يعني اكو طفل يولد و وزنه كيلو او ٢ و هذا من ينمو اكيد ما راح يكبر بكد ابو ال ٤ كيلوات
طيب !
و بعدين ؟
و لا قبلين
نفهم شون يكبر الطفل راح نعرف حجمه
نبدي من البدايه اول ١٠ ايام ينزل الوزن و يرجعه إلى وزن الولاده بعمر ١٠ ايام
يعني اللي وزنه ٣ كيلوات من الطبيعي انه وزنه يقل إلى ٢٨٠٠ بعمر ٥ ايام بعدين يرجع يصعد إلى ٣ كيلوات مره اخرى بعمر ١٠ ايام
و بعدين؟
النمو بأول ٣ اشهر يصعد بوتيره ٢٥ إلى ٣٠ غرام يوميا
و من يدخل الشهر الرابع راسا ينزل النمو إلى ١٥ غرام يوميا
اي نعم
احنا ما نكبر بنفس الوتيره لذلك النمو يقل و يقل و يقل و احتياجنا للحليب يبدي يتباعد و ينام الطفل فترات اطول
.
.
نرجع لوزن الولاده
لو الطفل ضاعف الوزن بعمر ٥ أشهر احنا هسه بالسليم
و يصير ٣ أضعاف وزن الولاده بعمر السنه و همات احنا بالسليم
.
.
كل هذه الأرقام ما تهم لو تتابعون عند طبيب يتابع خطوط النمو و من ينزل الطفل تحت هذه الخطوط ممكن يكون لمؤشر مرضي
دمتم بود
د. سيف سمير البياتي اخصائي طب الاطفال
from د. سيف سمير البياتي