منو منكم ما مر بإحساس انه مصخن بس يشعر بالبرد !! او على كوله اهلنا لازمته البارده؟ 😑طيب شون يصير؟ السبب واضح و بسيط انه من تصير عندك حراره اكيد حرارتك اعلى من الجو المحيط بيك و بالتالي راح تحس الهوا ابرد من قبل ما تصير عندك حراره 😯زين ليش ابدي اطكطك و تلزمني الرجفه؟ السبب هو انه احساسك بالبرد راح يخلي العضلات تتحرك و تتقلص حتى تطلع حراره و تصعد بعد حرارتك زين و الحل 🤗اني اريد احس احسن شون؟ بصراحه حتى تحس نفسك مرتاح شويه صعبه من ترتفع درجه حرارتك اعرف انت اول شي تسويه راح تغطي نفسك أكثر و أكثر بس هذا الغطا راح يزيد حرارتك أكثر و ما ترتاح أكثر الحل اللي اقترحه هو انه تاخذ خافض حراره او حمام مريح بدرجه حراره معتدله لا حار و لا بارد بهاي الطريقة راح تنزل حرارتك و راح ترتاح من تحس ببرد اوكي تغطى بس لا تبالغ بس اذا ما حاس بالبرد ماكو اي مشكله انه ترتاح بلبس خفيف كل الغايه من اللبس الخفيف و الحمام المعتدل و خافضات الحراره هو انه ترتاح مو أكثر لان اكيد مو هي العلاج الشافي الحراره بحد ذاتها مو مخيفه و الشمره اللي الكل تخاف منها تصير سواء نزلتي الحراره او لا و الاهل اللي اطفالهم عدهم شمره حراريه يعرفون عن شنو احجي لان بأغلب الحالات تصير من اول ما يصخن الطفل و بحيث بعدك ما ناطيته العلاج او ناطيته و ما مشتغل لعد شوكت الحراره تصير مخيفه؟ اولا اذا صارت حراره بعمر اقل من ٣ اشهر حتى احنا الاطباء نفكر ١٠٠ مره بالأسباب و ماكو فد درجه نكول عليها هاي خطره و هاي مو خطره و ثانيا نعتمد على العلامات الأخرى بالفحص و اهمها فعاليه المريض و حركته و نشاطه اتفاجا كل المفاجآه من فرط استخدام خافض الحراره يا امي يا اختي يا اخي خافض الحراره سواء شراب او تحميله يحتاج ساعه لما يشتغل و الشراب و التحميله متساويات بسرعه الشغل بس دائما التحميله افضل للاهل لان سهله الأعطاء الصدمه الثانيه من الأهل عبالهم كل حراره معناها لازم مضاد حيوي ( شراب التهابات ) لا عيني حتى التهاب اللوزتين ٨٥ بالميه منه فايروسي كل اللي كاعد تسووه هو تضعفون مناعتهم الفرديه و مناعتنا المجتمعيه بحيث البكتريا صارت تطرب على شراب الالتهابات و تكول اديني كمان د. سيف سمير البياتي اخصائي طب الأطفال

منو منكم ما مر بإحساس انه مصخن بس يشعر بالبرد !!
او على كوله اهلنا لازمته البارده؟
😑طيب شون يصير؟
السبب واضح و بسيط
انه من تصير عندك حراره اكيد حرارتك اعلى من الجو المحيط بيك
و بالتالي راح تحس الهوا ابرد من قبل ما تصير عندك حراره
😯زين ليش ابدي اطكطك و تلزمني الرجفه؟
السبب هو انه احساسك بالبرد راح يخلي العضلات تتحرك و تتقلص حتى تطلع حراره و تصعد بعد حرارتك
زين و الحل
🤗اني اريد احس احسن شون؟
بصراحه حتى تحس نفسك مرتاح شويه صعبه من ترتفع درجه حرارتك
اعرف انت اول شي تسويه راح تغطي نفسك أكثر و أكثر
بس هذا الغطا راح يزيد حرارتك أكثر و ما ترتاح أكثر
الحل اللي اقترحه هو انه تاخذ خافض حراره او حمام مريح بدرجه حراره معتدله لا حار و لا بارد
بهاي الطريقة راح تنزل حرارتك
و راح ترتاح
من تحس ببرد اوكي تغطى بس لا تبالغ
بس اذا ما حاس بالبرد ماكو اي مشكله انه ترتاح بلبس خفيف
كل الغايه من اللبس الخفيف و الحمام المعتدل و خافضات الحراره هو انه ترتاح مو أكثر
لان اكيد مو هي العلاج الشافي
الحراره بحد ذاتها مو مخيفه
و الشمره اللي الكل تخاف منها تصير سواء نزلتي الحراره او لا
و الاهل اللي اطفالهم عدهم شمره حراريه يعرفون عن شنو احجي
لان بأغلب الحالات تصير من اول ما يصخن الطفل و بحيث بعدك ما ناطيته العلاج او ناطيته و ما مشتغل
لعد شوكت الحراره تصير مخيفه؟
اولا اذا صارت حراره بعمر اقل من ٣ اشهر
حتى احنا الاطباء نفكر ١٠٠ مره بالأسباب
و ماكو فد درجه نكول عليها هاي خطره و هاي مو خطره
و ثانيا نعتمد على العلامات الأخرى بالفحص و اهمها فعاليه المريض و حركته و نشاطه
اتفاجا كل المفاجآه من فرط استخدام خافض الحراره
يا امي يا اختي يا اخي
خافض الحراره سواء شراب او تحميله يحتاج ساعه لما يشتغل
و الشراب و التحميله متساويات بسرعه الشغل
بس دائما التحميله افضل للاهل لان سهله الأعطاء
الصدمه الثانيه من الأهل عبالهم كل حراره معناها لازم مضاد حيوي ( شراب التهابات )
لا عيني حتى التهاب اللوزتين ٨٥ بالميه منه فايروسي
كل اللي كاعد تسووه هو تضعفون مناعتهم الفرديه و مناعتنا المجتمعيه بحيث البكتريا صارت تطرب على شراب الالتهابات و تكول اديني كمان
د. سيف سمير البياتي
اخصائي طب الأطفال

منو منكم ما مر بإحساس انه مصخن بس يشعر بالبرد !! او على كوله اهلنا لازمته البارده؟ 😑طيب شون يصير؟ السبب واضح و بسيط انه من تصير عندك حراره اكيد حرارتك اعلى من ا…