١٠ شغلات تخلي سكر الدم يظل عالي باللي عدهم سكري النوع الاول على الرغم من استخدام الإنسولين
جواب اسئلتكم: انتوا سالتوا ليش السكر يظل عالي بشخص عنده سكر من النوع الاول على الرغم من استخدام الإنسولين؟
الجواب:
ممكن يكون السبب وحدة او امثر من هاي الشغلات:
1️⃣ الإنسولين اللي دتستخدمه جرعته تحتاج زيادة او نوعه يحتاج تغيير، وهالشي اكيد باستشارة ومتابعة طبيبكم المعالج.
2️⃣ الإنسولين اللي تستخدمه يكون منتهي الصلاحية ، او سوء تخزين.
3️⃣ طريقة حقنك غلط، او دتحقن بنفس المكان مرات عديدة.
4️⃣ اكلك هواية وما ملتزم باكل صحي.
5️⃣ حركتك قليلة وما تسوي رياضة.
6️⃣ يكون عندك جرح او اي مرض حتى لو كان نشلة بسيطة، او اي جراحة ممكن تخلي السيطرة على السكري صعبة.
7️⃣ استخدام بعض الادوية مثل الكورتيزونات و غيرها ، ممكن تخلي السيطرة على السكري صعبة.
8️⃣ الاجهاد النفسي سواء كان بالبيت او بالمدرسة او بمكان العمل.
9️⃣ اكو ظاهرة تسمى ظاهرة الفجر , شنو هي؟
بساعات الصباح بين ال 4-5 الصبح اكو هورمونات معينة تزيد مستوياتها بالجسم، هاي الهورمونات ما تخلي الانسولين يشتغل بشكل صح وبالتالي السكري يعلى.
1️⃣0️⃣ اكو حالة نادرة تتسمى بالسكري الهش، شنو هي؟
هي حالة يصير بيها السكر يعلى و ينخفض بشكل سريع و بشكل غير متوقع يهلي السيطرة عليه كلش صعب، من اسبابها: خمول الغدة الدرقية او خمول الغدة الكظرية، مرض سيلياك (حساسية الغلوتين), قلة حركة المعدة، بعض الادوية، المشروبات الكحولية، و اضطرابات الاكل مثل فقدان الشهية العصبي او الشره المرضي العصبي.
كم واحد منكم اكو بطل خارق (مصاب السكري من النوع الاول) بعائلتكم؟
همه وانتوا ابطال خارقين، مثل اللي بالصورة.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بكالوريوس طب و جراحة عامة
بورد (دكتوراه) في الطب الباطني
عضو الكلية الأمريكية للأطباء
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana
from د. سيف سمير البياتي