10 أشياء طبيعيه جدا للطفل بأول اسبوع
عداها و بعدها تراجعين طبيب
١. اللون البرتقالي بالحفاظ
هذا لون بعض أنواع الرمل بالادرار و معناها الرضاعه قليله بس زيدي الرضاعه و هي تختفي
٢. الحول جدا طبيعي إلى حد ٦ اشهر بعدها تراجعين طبيب عيون
٣. حبوب مثل حب الشباب على وجه الطفل همين شي طبيعي
عداها تراجعين طبيب للعلاج و بالأخص الفقاعات اللي بيها مي عبالك حرق و يصير بيها سائل لازم تراجعين
٤. الرضاعه الكثيره و بالأخص بعمر اسبوعين و بعمر ٦ اسابيع
٥. صوت الشخير جدا طبيعي إلى عمر ٦ اشهر لان القطر الداخلي الأنف نصف القطر الداخلي للشخص البالغ وراها يتضاعف
٦. النضح القليل من مكان السره و بالأخص اذا انت مطمئنه و ضاربه فيتامين K بعد الولاده مباشره اذا ما ضاربه او النزف أكثر من القليل مراجعه طبيب
٧. عيون الطفل بيها صفار شويه
و هذا من يصير ابو صفار خفيف شويه بس على شرط ماكو خمول و ماكو ابو صفار بأول ٢٤ ساعه و ممكن تبقى صفر لغايه شهر
طبعا يفضل استشاره طبيب بعد اي يرقان يستمر بعد الأسبوعين من العمر
٨. الخروج خفيف و متكرر و أحيانا بعد كل رضعه و بالأخص اللي يرضعون طبيعيا
دام ابنك ينمو إذن طفلك طبيعي
٩. تورم الثدي للطفل الذكر و الانثى نتيجه الهرمونات اللي عبرت اله أبدا لا تعصريها
١٠. تورم المنطقه الجنسيه للذكر و الانثى و هذا كذلك نتيجه الهرمونات مال الام بس انتبه لا تطمئن كلش ماكو مانع من استشاره الطبيب اذا كان التورم غير طبيعي ( احتمال فتق او قيله مائيه)
و لا تنسون المشاركه و الاطلاع على باقي بوستات الصفحه و سويلها لايك
بالمناسبه مو كل البوستات تظهر للكل
فسوي مشاهده اولا او see first
د. سيف سمير البياتي
اخصائي طب الأطفال
