12 حقيقه حول الحساسيه الغذائيه
نزلت بوست عن زبده الفستق
اخت اعترضت على زبده الفستق قبل عمر السنه
و الحجه : تسوي حساسيه
نفس الفكره انه ما اوكل باقلاء قبل عمر السنه و السبب هو : داء الباقلاء
طبعا مع الملاحظه ان داء الباقلاء ما يعتبر حساسيه
تأجيل الطعام ما يأخر التحسس ابدا
تعالوا نستكشف 12 حقائق عن الحساسيه الغذائيه
1. 32 مليون أمريكي عدهم نوع من انواع الحساسيه الغذائيه
2. 8 عناصر غذائيه هي مسؤوله عن 90 بالميه من الحساسيه الغذائيه يسموهم BIG 8
اللي هم
الحليب
البيض
الفستق السوداني
المكسرات
الحنطه
الصويا
السمك
الماكولات البحريه
3. الحساسيه الغذائيه ممكن تطيب ويه العمر و طبعا تختلف حسب نوعيه الطعام كذلك
مثلا
حساسيه البيض تطيب بنسبه 60 إلى 80 بالميه بعمر ١٦ سنه
مقابل 20 بالميه فقط من حساسيه الفستق تطيب
4. نسبه الحساسيه الغذائيه كاعد تزداد بالعالم كله
5. اغلب حالات الحساسيه الدوائيه تصير خلال ساعتين من تناول الطعام
6. من كلشي ممكن يصير تحسس
اعرف حالات تحسس من البطاطا
و اكو حالات تحسس من الماء !!!
7. الحساسيه عند البالغين اقل من الاطفال
8. الاصل الوراثي ممكن يأثر على نوعيه التحسس
فالاطفال اللي يجون من خلفيه افريقيه يكونون اكثر عرضه للتحسس من الاطفال البيض
9. كلما العائله مستواها المعيشي عالي كلما نسبه التحسس أعلى!!!
10. كل العراقيين ما يفرقون بين التحسس الغذائي و عدم التحمل
خل احجي هنا بالعامي
تجيني ام تكول ( دكتور ما اوكلها موزه اخاف عليها من الحساسيه )
اكول الحساسيه تصير من قضمه و من كيلو موز
و من يتقيا من كثر الموز هذا يسموه عدم تحمل الموز مو حساسيه
11. اهم شي اريدكم تعرفوه انه ماكو علاج للتحسس
اكو تجارب ضيقه عن العلاج المناعي و النتائج ما مبينه
12. اهم نقطه و لاجلها كتب البوست
تأخير الطعام ما يؤخر الحساسيه و لا إله علاقه
تأخير الطعام هو انه الطفل معدته ما متحملته
مثلا الموز كونه مو ضمن great 8
ممكن يعتبر من اول الاكلات اللي ممكن تنطيها
اكو دراسه ممتعه اتمنى تقروها للاشخاص اللي يعرفون ترجمه عن فتره ال window period
ملخصها انه ادخال الطعام بعمر ٤ إلى ٦ أشهر راح يقلل التحسس فيما بعد
د. سيف سمير البياتي اخصائي طب الاطفال
from د. سيف سمير البياتي