الشوندر في الغذاء: العناصر الغذائية والادعاءات الصحية

البارحه اول مره نجيب شوندر هالموسم ..شكد صارله نازل ما اعرف صارلي فتره عايفه مسواگ المخضر ..بس ميصير شي ينزل وما احجيلكم فوائده ..شوفوا عيني كل ١٠٠ غم شوندر بي ٤٤ سعره يعني ورده للريجيم وبي الياف هاي صرتوا تعرفوهه ممتازه للجهاز الهضمي..فيتامين سي وفوليت وحديد بي كميات حلوه يعني لفقر الدم الناتج عن نقص الحديد مفيد جدا ويساهم بالعلاج..يساعد بتنظيم ضغط الدم المرتفه ويمنع بذلك النوبات القلبيه والجلطات الدماغيه وعجز القلب..يزيد مستوى الدم الواصل للدماغ بذلك يزيد مستوى الادراك ويحارب الخرف.. بشرى للرياضيين 🥳🥳 يعلي الاداء الرياضيه ويؤخر الاحساس بالتعب وهالنصيحه حصريه الكم اكلوا شوندر قبل التمرين او السباقات بساعتين او ثلاث ساعات 🤩🤩..شلون تاكلوه تسلقوه لو برش ويه السلطه ؟؟؟ وشلون تخزنوه ؟؟؟؟
د.زينه البياتي/طبيبه تغذيه
www.tiktok.com/@zeenas.bayaty
https://www.facebook.com/zinaclini/

https://instagram.com/albayatyzina?igshid=1uvmggtlwokl8
#جمال
#تجميل
#تغذيه
#fitness

from د. سيف سمير البياتي