أعراض فقر الدم الناتج عن نقص الحديد

خلي احجيلكم اليوم عن:

،❓ شنو هي أعراض فقر الدم الناتج عن نقص الحديد ؟؟

بالبداية لما يكون فقر الدم بسيط الاعراض ممكن تكون خفيفة وتمر بدون ما نحس عليها، لكن مع اشتداد الحالة تبدي الاعراض تزيد ونلاحظها اكثر.

اللي عندهم فقر دم نقص الحديد ممكن يكون عندهم وحدة او اكثر من هاي الاعراض:

◀️ الاعياء من اقل مجهود

◀️ التعب

◀️ الشحوب واصفرار اللون

◀️ آلام الصدر

◀️ تسارع ضربات القلب

◀️ ضيق النفس

◀️ صداع

◀️ دوخة

◀️ برودة الايدين والرجلين

◀️ تشقق و تقرحات اللسان والشفتين

◀️ ضعف وتقعر وانكسار الاظافر

◀️ الوحام على اكل شغلات غريبة مثل الثلج، الرمل، اقلام الرصاص، … الخ

◀️ فقدان الشهية

◀️ الاحساس بضغط او وشة بالاذان

◀️ تساقط الشعر

◀️ الم بالساقين وقت النوم يجبرنا انه نحرك الرجلين او نسويلها مساج حتى يقل الالم

ممكن يكون عندك وحدة او امثر من هاي الاعراض وما يكون عندك فقر دم، لان اكو هواية امراض ممكن تسبب هاي الاعراض، فاحسن حل من يكون عندك هاي الاعراض انه تراحع طبيبك المعالج حتى تعرف التشخيص الصح وتتعالج.

✅ البوست الجاي راح احجيلكم عن اسباب فقر دم الحديد.

❓كم واحد منكم عنده فقر دم الحديد ؟؟

د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )

#DrSoranHassanZangana
#د_سوران_فقر_الدم_الناجم_عن_نقص_الحديد

from د. سيف سمير البياتي