و انت هسه كاعده دا تنتظرين البوست الليلي اليومي
و الاطفال ناموا او بعدهم ما نايمين
كولي الحمد لله و الشكر هذا اليوم عبر على خير
و انت و صحتك و أولادك زينين و صحتهم جيده
الشكر لله و القناعه باللي ربك أعطاك اياه تخليك مرتاحه و تعيشين حاله رضا و سعاده
شوفي كلشي حلو بحياتك
شوف أولادك كيف يكبرون
هذا الجو الإيجابي انطيه لأولادك علميهم انه انت قانعه بقسمتك و بسعادتك
خليهم هم يعيشون حاله الرضا و الاكتفاء
اي ممكن مو كلشي متوفر الهم
بس احساس الرضا راح يشاركوه وياك
من حست العائله و انت بالأخص بالرضا عن حياتك و أولادك راح تنتقلين لمرحله أعلى و تتركين المقارنه و ضغطها عليك و على حياتك
احساس الرضا و القبول يخلصك من عذاب الشعور بالنقص و المقارنه و الغيره من الاخر لأنك ببساطه مقتنعه و راضيه بحياتك
سويها اليوم و باجر و كل يوم
و صدكيني راح تفرق بحياتك كثيرا
د. سيف سمير البياتي اخصائي طب الاطفال
from د. سيف سمير البياتي