الكشف المبكر عن سرطان الرئة: التصوير منخفض الجرعة وتاريخ التدخين

😲 تعرفون انه مع الاسف اغلب حالات سرطان الرئة من تظهر اعراضها بوضوح و تتشخص يكون الوقت متاخر هواية علمود جراحة او علاج منقذ للحياة.

🤔 تعرفون اكو فحص مبكر لتشخيص سرطان الرئة حتى ينلقف السرطان بمرحلة ممكن علاجها بالجراحة و علاجات موازية.

❤️ شنو هو الفحص هذا؟

اشعة مفراس لكن بجرع قليلة مقارنة بالمفراس اللي يتسوى لتشخيص باقي الامراض، يتسوى مرة بالسنة.

❤️ منو اللي لازم يسويه؟؟

المدخنين اللي عمرهم بين ال50 وال80 سنة، اللي بعدهم ديدخنون او اللي تركوا التدخين وما صاير 15 سنة من وقت تركهم للتدخين

و يشترط انه يكونو مدخنين كمية كبيرة.

❤️ شنو يعتبر كمية كبيرة؟؟

نحسبها كالتالي:

عدد الباكيتات اللي يدخنها باليوم الواحد ✖️ عدد السنين اللي مدخن بيهن

واذا طلع المجموع 20 او امثر تعتبر هاي الكمية كبيرة

مثال:
شخص دخن باكيت باليوم لمدة عشرين سنة او أكثر

او
شخص دخن نص باكيت لمدة 40 سنة او أكثر.

✅ هذا البوست لازم يوصل كل بيت بيه مدخن او مدخن سابق عمره بين ال 50 وال80 ، همتكم .

د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )

بکالوريوس طب وجراحة عامة.
بورد ( دكتوراه) في الطب الباطني.
عضو الكلية الأمريكية للأطباء.

Facebook.com/DrSoranHassanZangana2

Instagram.com/DrSoranHassanZangana2

https://vm.tiktok.com/ZSJLnpnk9/

#DrSoranHassanZangana #صحة #وقاية #سرطان #العراق

from د. سيف سمير البياتي