البصر و ضعف التعلم للأطفال
تدرون إنه كل طفل من ١٠ اطفال عندة مشكلة بالبصر بحيث دتأثر على ادائة بالمدرسة! خاصة اذا عرفنة انه ٨٠% من التعلم هو عن طريق النظر لأن العين تعتبر إمتداد للدماغ مقارنة بالسمع واللمس اللي يشكل ٣ الى ٨%. فبالتأكيد هي سبب رئيسي من أسباب ضعف الطالب بالمدرسة.
بأربع طرق ممكن يأثر ضعف البصر على الطفل بالمدرسة:
☝️ صعوبة التركيز على الواجب المدرسي
شكد من عدنا نوصي المعلمة/المعلم يكعد طفلنا بأول رحلة! اذا محصلت هاي الفرصة وطفلك من الأساس ميكدر يشوف اللي بكتابة فشلون رح يشوف السبورة!
✌️ صعوبة ممارسة الرياضات
شنو أكثر شى يحبة الطفل بالمدرسة؟ اللعب أكيد بالفرصة, اذا إبنك ميحب يلعب وعازل نفسة فقد تكون أحد أسبابها ضعف البصر وبالتالي رح يأثر على تطورة الحركي.
👌 صعوبة الفهم
الفهم والنظر مرتبطات من طفلك يقرة الكتاب وينتقل من سطر الى آخر, من عندة مشكلة فرح ينقطع هذا الانتقال وميعرف بأي سطر او كلمة ويبدي يشتبه بكلمة اخرى في سطر اخر.
🖖 صعوبة بناء الثقة بالنفس
كلنا نعرف أهمية تعزيز الثقة بأطفالنا بنجاحهم بالمدرسة, من أكو مشكلة ببصرة فالطفل مارح يحب يشارك بالحل لان مديشوف وببساطة مارح يتلقى الثناء من المدرس.
فنشوف الطفل ميحب المدرسة، مينتبه بالدرس، ميجيب واجبة للبيت واكيد ضعف بالدرجات.
#د_صهيب
د. صهيب علي جواد
أخصائي طب و جراحة العيون
https://www.facebook.com/dr.sohaib.vision/
from د. سيف سمير البياتي