المراهم و الكريمات اللي بيها ستيرويد
المشكله بفرط استخدامها و فرط صرفها بدون اي علم بخواصها الدوائيه و كميه امتصاصها من الجلد
و بالتالي زياده الأعراض الجانبيه لاستخدامها مثل ارتفاع الضغط و السكري و زياده الشعر بالمناطق المستخدمة
بس على طرف نقيض كلنا نوصف المراهم الستيرويديه و بالأخص أطباء الجلديه و الأطفال لما الها من مفعول سحري
لذلك اريد اوضحلكم انه المراهم هذه تقسم حسب القوه مالتها من ضعيف إلى قوي
و اني مثلا ما اكتب الا الضعيف جدا و اضعف أنواع الستيرويدات اللي هو الهايدروكورتزون
و استخدم الاقوى لما اكو داعي للموضوع
لذلك عزيزتي الام
لما تحتاجين مرهم ستيرويدي استخدمي أضعف الأنواع و اللي هو الهايدروكورتزون مرهم ١%
اذا ما فاد استخدمي هايدروكورتزون ٢.٥ %
و لا تستخدميه أبدا أكثر من ٥ ايام
لان تره السالفه بيها سكر و ضغط مو شقه الموضوع
و هسه راح اكتب بالتسلسل القوه لهذه المراهم
.
.
تقسم الستيرويدات إلى 7 أقسام حسب قوتها
بس لأغراض عمليه
نقسمه إلى 4
ضعيف : هايدروكورتزون
متوسط: بتنوسام و نستاكورت و درمودين
قوي: فلوسنايد و هالوسنايد
قوي جدا : كلوبيتازول بروبيونيت
Low potency steroids: hydrocortisone
Medium potency : betamethasone (betnosam) triaminoconolone (nystacort, denticort)
High potency : fluocinonide and halcinonide
Superpotent : clobetasol propionate
و الاحسن منها
تستخدمون الزنك مرهم ويه كل تغيير حفاظ و تخلون فتره بين حفاظ و آخر
و ما تستخدمون المراهم الستيرويديه الا باستشاره طبيب
الصوره الهايدروكورتزون مرهم من ادويه سامراء و مثل ما كلت ممنوع استخدامه الا بوصفه طبيب
هاشتاك #ستيرويد يتكلم عن الموضوع
د. سيف سمير البياتي
اخصائي طب الأطفال
