الفرق بين الانفلونزا و الرشح
او بين الانفلونزا و السعال و الرشح بمعنى ادق
نشرت الصبح عن لقاح الانفلونزا
بعض الامهات كتبت انه طفلهم الشتاء كله انفلونزا !!!!
لذلك وجب انزل هذا المنشور
السعال و الرشح هي نفسها النشله بالعراقي او البرد ببعض الدول العربيه او بالانكليزي اسمها common cold
النشله يسببها فايروس و هوايه من الفايروسات تسبب النشله و اهمها ال rhinovirus
من خواصه هي كثر الافرازات الانفيه
و يبدي ببطء
و تصير حرارته طفيفه و الاكثر ماكو حراره
صداع خفيف و الاكثر ماكو صداع
يصير بيها انسداد انف باغلب الحالات
و ما يصير بيها الم عضلات
.
.
نجي للانفلونزا
الانفلونزا يسببها فايروس الانفلونزا و البارانفلونزا
و تصير شديده
ووحراره عاليه
و متعبه بشكل
يصير بيها الم عضلات
و يصير وياها صداع
و ممكن ينسد الانف
و ممكن يصير بيها سعال
.
.
النشله ممكن تصير مره بالشهر
و الطفل بالعادي يصير عنده ٦ الى ٧ مرات بالسنه نشله
و ممكن حتى ١٢ مره بالسنه بالطفل الطبيعي
النشله مالها لقاح
الانفلونزا الها لقاح ينخاذ سنويا بس مو الا يمنع كل الاعراض ممكن بس يخففها
الاثنين علاجهم تحفظي مثل خافض الحراره و كثر السوائل و الراحه
بس النشله دائما خفيفه و حتى علاج ما تحتاج
.
.
قبل اخر ملاحظه بخصوص هذا الموضوع انه اذا طفلك كل ما ينشل او يصير عنده انفلونزا و تنزل لصدره
هذا الطفل عنده تحسس قصبات تحفز بالفايروس
مو الا يكون الفايروس او البكتريا هي السبب اللي خلت عنده ضيق نفس
د. سيف سمير البياتي
اخصائي طب الاطفال
