المعلومه اللي مع كل الاسف تواجهنا و تواجه اطباء اسنان الاطفال هي معلومه انه الرضاعه الصناعيه سنتين منطلقين من مبدا ديني و حتى طبي انه الرضاعه سنتين !!!
ديني لان القراءن الكريم يدعو الى الرضاعه الطبيعيه لسنتين
و حتى طبي لان اغلب الجمعيات و مؤسسات اطباء الاطفال تنطيك مطلق الحريه باختيار امد الرضاعه الطبيعيه و بينهم الجمعيه الكنديه لطب الاطفال تكول الرضاعه الطبيعيه الى عمر سنتين
.
.
امي اختي الكريمه
الرضاعه من الحليب الطبيعي هي فقط اللي سنتين او اكثر او اقل حسب رغبه الام و الطفل
و من الحليب الصناعي هي فقط الى سنه واحده بالزايد سنه الى ٣ اشهر
☺طيب دكتور ماهو هذا حليب و هذا حليب
ليش هذا الفرق ؟
الفرق بكيفيه الرضاعه من الثدي او من المميه
خليني اشرحلكم هنا الفرق
☺ بالرضاعه الطبيعيه لازم الطفل يفتح فمه اكبر
🤣 بالرضاعه الطبيعيه لازم يستخدم عضلات اكثر
🙄بالرضاعه الطبيعيه حركه اللسان تكون موجيه في حين بالعكس بالرضاعه الصناعيه تختلف الحركه كليا
😏 بالرضاعه الطبيعيه الطفل يكدر يتحكم بتدفق الحليب لذلك تشوفه ياخذ راحه بنص الرضعه في حين بالرضاعه الصناعيه ما يكدر و لا يكدر يتحكم
🙄 و اخيرا بالرضاعه الصناعيه يكون الحليب المتدفق دائما اكثر لذلك تشوف مشاكل اكبر
.
.
لذلك تشوف فك الاطفال العلوي اللي يرضعون صناعيا يكون متقدم اكثر عن الفك السفلي
و هذا التقدم راح يؤثر على تركيب الاسنان الدائميه
هذا عدا التسوس اللي راح يصير بالاسنان اللبنيه
و ما ذكرنا هنا اختلاف نوعيه الحليب و الفرق الشاسع بين الحليب البقري و البشري
هذا البوست يوضح كذلك ليش اني ضد ادخال الحليب البقري كمساعد لان راح يبدي الطفل يحب الحليب الصناعي و يترك الرضاعه الطبيعيه مع شديد الاسف
و يحرمك و يحرم نفسه من فوائد لا حصر لها
#الرضاعه_الصناعية_الى_عمر_سنة
#الرضاعة_الطبيعية_براحتك
