الإمساك عند الأطفال: صعوبة الإخراج والروتين ومراجعة الطبيب

#امساك
موضوعنا اليوم عن الإمساك تعريف الإمساك هو نسبي يعني ماكو شي ثابت
اكو طفل كل 3 ايام يصير عنده خروج بس طبيعي و مو بصعوبة
إذن تعريفه هو : خروج مرتين فقط و بألم بالاسبوع الواحد + احتمال ما يسيطر على نفسه و يصير عنده خروج على نفسه ولو مره بعد ما تعلم على التواليت
الأسباب هوايه و لازم يعرض اول مره على طبيب للتشخيص لأن اكو حالات مرضية هوايه تسببه
العلاج : تعليم الطفل على التواليت و منحه الوقت الكافي و خصوصا اخذه يوميا من الصبح بعد الفطور للتواليت حتى يصير عنده روتين
2. من يسويها على روحه لا تزجره و لا تعيره بس لا تنسى تكافئه من يكعد بالتواليت يوميه
3. الاكل الصحي بالأخص للي بدينا الهم أكل فوك ال 6 اشهر مع تقليل الحليب تدريجيا بحيث يصير قدح واحد أو 2 باليوم بحدود عمر السنة و زيادة الفواكه و بالأخص الفواكه اللي بيها قشور مثل التفاح و العرموط و كلشي مجفف
4. العلاجات و الادويه : و هاي يكتبها الك طبيبك اكيد ما تاخذيها من النت