في احدى اللقاءات مع الشيخ الشعراوي رحمه الله يتكلم فيها عن الخوف قال ” آفة البشر انهم يعيشون المصائب قبل وقوعها فيطيلوا علي أنفسهم أمد المصائب ”
كيف نفكر بالمستقبل باسوا التوقعات و نعيش بيها و بتفاصيلها كانما صارت المصيبه و حلت
كمل الشيخ حديثه و قال ” هل خوفك و قلقك يمنع المَخوف”
يعني انه هل خوفتك راح تمنع وقوع هذا الشي اللي خايف منه ؟
اكيد اني و انتوا نجاوب لا
الشيخ كمل حديثه و كال ” انشغل اذا بما يمنع المخوف ”
يعني انشغل باللي يطمنك
انشغل بالتفكير بالجانب الجيد من المعادله
ليش تعيش المصيبه و تطولها عليك فتره
خلي تجي المصيبه و عود حلها
لا تفكر بيها
و لا تكبرها
لا تصعب الامور على نفسك و تحملها اللي ما تطيقه
طيب شنو خطورة ان اعيش المصيبة قبل وقوعها ؟
الامام علي بن ابي طالب كرّم الله وجهه قال ” كل متوقع آت فتوقع ما تتمنى”
لا تفكر بالمصايب و تعيش جوها
راح تتعب
راح تتمرض
ارمي حمولك على الله
و احسن الظن بيه
و اشغل نفسك بالتفكير الايجابي
لا تنسى ابدا انه مو كل الامتحانات سيئه
ليش انت و اني كم امتحان دخلنا
و كم امتحان نجحنا و حتى تفوقنا
تفائل فقط
#اعتزل_مايؤذيك
#تفائلي
د. سيف سمير البياتي
