ليش بعض الشباب توفوا بكورونا؟
هذا السؤال يؤرق الكثيرين
لان المعروف انه كورونا نسبه وفياته عاليه عند الاعمار الكبيره و عند الاشخاص المصابين بامراض مزمنه
لعد ليش توفوا بعض الشباب و حتى كم طفل بكورونا ؟
السبب قد يعود لاسباب جينيه الها علاقه بالجينات
وحده من البحوث لكت انه فصيله الدم O اقل عرضه للوفاه و اكثرها هي A
بس هم مو هذا اللي اريد انبهكم عليه
اريد انبهكم على مصطلح اسمه
Viral load
اي حمل الفايروس
و هذا باكثر من بحث من الصين دا يكولوه
انه كلما تتعرض لكميه كبيره من الفايروس كلما الالتهاب يكون اقوى و بالتالي نسبه الوفاه اعلى
لذلك من تاخذ كورونا من شخص يسعل بوجهك راح يكون اشد من انه تلمس سطح و توديه للفايروس بايدك لانفك !!
اي نعم
و من تتعرض لشخصين مصابين بكورونا
راح يكون كورونا اشد من اللي ينعدي من شخص واحد !!
و هنا هو بيت القصيد
خاف و جدا خاف من ما تاخذ حذرك و تطلع لتجمع او عرس او مكان انت ما ماخذ بيه وقايه و تسلم على العالم و الناس
احذر من عدم اجراءات الوقايه
و الافضل منهن كلهن تخليك بالبيت
#viral_load
د. سيف سمير البياتي
اخصائي طب الاطفال
