-هلو دكتور شونك
-اهلااا اؤؤم جود كيف الحال
-دكتور ادري انت طبيب اطفال بس انت اكيد تعرف اني عندي حراره و مدا اشتم و لا اتذوق و كلش حاسه متكسره صدك هاي اعراض الكورونا؟
– عندك سعال؟
– لا دكتور
– هممممم شوفي اعراض الكورونا مختلفه و تشبه اي فايروس تنفسي اصلا كورونا هو من العائله الفايروسيه اللي تسوي النشله العاديه
– يمه اسم الله يعني اني بيه كورونا؟ و هسه شاسوي ؟
– عادي اخذي خافض حراره و ارتاحي قدر الامكان و اخذي باريستول و اكلي صحي و نامي زين و اهم منهن كلهن اعزلي نفسك
– يعني اني بيه كرونه؟
– يمه ماكو طريقه نعرف الا بالفحص المخبري و ما دام عندك اعراض خفيفه اهتمي بنفسك و صحتك و اهتمي بصحه غيرك و اعزلي نفسك و بس
– يعني ما اروح لعرس اختي ؟
– 😑
– وصلت الفكره دكتور شكراا بس ما كلتلي هسه اني بيه كرونا ؟
– 🙂
– اوك دكتور الله يسلمك و يطمنك راح اكل ثوم هوايه و اصير اوكي
– هههههههههه و لا تنسين اللبن وياه علمود تصيرين كلش اوكي
– تضحك اؤم جود و تغادر
و نتمنى الها الشفاء
د. سيف سمير البياتي
اخصائي طب الأطفال
