على طاري منشور بعض الناس الي حالتهم مو طارئة ويجون للطوارئ بنص الليل بس للونسة او لتقضية الوقت
احد الاطباء يكول اجوني الفجر مريضة هي و زوجها
الدكتور: شبيها ؟ من شنو تشكي
المريضة : ضايجة
الدكتور: تمام ماكو مشكلة بس جيبولنا باص
يكول كتبتلهم بالباص باندج
راحوا جابوه من الصيدلية واجو، كالوا دكتور شنو هاي شنسوي بالباندج !
كلتلهم الباندج مو الكم
الباندج الي
حتى اشده واركصلكم !
المريضة وزوجها ضحكوا على السالفة وعمت الفرحة أرجاء المكان و راحت ضوجة المريضة وطلعوا للبيت
هاي القصة من المضحك المبكي
هواية فعلا تجي هيج حالات للطوارىء
الي ضايج
الي يريد يتزوج ومسوي نفسه مغمى عليه
الي مخلص شرابات بالبيت وجاي يتسوگ من الطوارئ
اني شخصيا اجتني مريضة تشكي من ألم برجلها صارله سنة !
بعد ما اقنعتها انه هالشي لازم للاستشارية مو للطوارئ
سألتها عندج شيء طارىء تريدين تسألين عنه
كالت اي: من أكل يصير عندي ألم بعضلات وجهي، هالشي صارله اربع سنين !
احنا مو ضد الضايج ولا الي عنده شكوى من شيء حتى لو بسيط وقديم ويريد استشارة طبية ، احنا ضد انه الحالات الباردة تزاحم الحالات الطارئة بالطوارئ لان بسبب هالشي ديتأذون المرضى الي حالاتهم طارئة
وصل بينا الحال واحنا نسوي انعاش لمريض بين الحياة والموت ومشغولين بيه يجينا مرافق مريض يكول بلكت تمشي مريضنا منشول و مستعجلين نريد نروح للسوك !
هذا الي احنا ضده و نحاول نوعي الناس انه الحالات الباردة مكانها بالمراكز الصحية مو بالطوارئ
احد الاطباء يكول اجوني الفجر مريضة هي و زوجها
الدكتور: شبيها ؟ من شنو تشكي
المريضة : ضايجة
الدكتور: تمام ماكو مشكلة بس جيبولنا باص
يكول كتبتلهم بالباص باندج
راحوا جابوه من الصيدلية واجو، كالوا دكتور شنو هاي شنسوي بالباندج !
كلتلهم الباندج مو الكم
الباندج الي
حتى اشده واركصلكم !
المريضة وزوجها ضحكوا على السالفة وعمت الفرحة أرجاء المكان و راحت ضوجة المريضة وطلعوا للبيت
هاي القصة من المضحك المبكي
هواية فعلا تجي هيج حالات للطوارىء
الي ضايج
الي يريد يتزوج ومسوي نفسه مغمى عليه
الي مخلص شرابات بالبيت وجاي يتسوگ من الطوارئ
اني شخصيا اجتني مريضة تشكي من ألم برجلها صارله سنة !
بعد ما اقنعتها انه هالشي لازم للاستشارية مو للطوارئ
سألتها عندج شيء طارىء تريدين تسألين عنه
كالت اي: من أكل يصير عندي ألم بعضلات وجهي، هالشي صارله اربع سنين !
احنا مو ضد الضايج ولا الي عنده شكوى من شيء حتى لو بسيط وقديم ويريد استشارة طبية ، احنا ضد انه الحالات الباردة تزاحم الحالات الطارئة بالطوارئ لان بسبب هالشي ديتأذون المرضى الي حالاتهم طارئة
وصل بينا الحال واحنا نسوي انعاش لمريض بين الحياة والموت ومشغولين بيه يجينا مرافق مريض يكول بلكت تمشي مريضنا منشول و مستعجلين نريد نروح للسوك !
هذا الي احنا ضده و نحاول نوعي الناس انه الحالات الباردة مكانها بالمراكز الصحية مو بالطوارئ
—
حساب التوعية على الانستاغرام
https://instagram.com/dr_salmand?igshid=qbd41hnknyb3
د. سلمان داود
مقيم اقدم اطفال