و قريبا البحرين راح تدخله من ضمن العلاجات
العلاج اسمه “سوتروفيماب”
العلاج توا اخذ ترخيص من منظمه الغذاء والدواء الأمريكية و يعتمد على كوكتيل من الأجسام المضادة للفيروس
– العلاج مو جديد كلش فهو الثالث من هذه النوعيه من بعد ريجينرون و ليلي
– تتذكرون ريجنرون؟
اي نعم هو العلاج اللي اعطي لترامب من انصاب
– العلاجات هذه فعاليتها عاليه و تصل فعاليتها إلى ٨٥ بالميه في منع دخول المستشفى و المضاعفات
– الحلو بيها انه تشتغل على كل التحورات اللي صارت بالفايروس
– العلاج الجديد مرخص من عمر فوق ١٢ سنة شرط يكون الوزن اكثر من ٤٠ كيلو
– المشكله بيها عدا سعرها الغالي هو انه لازم تناخذ بالبدايه كلش
– و مشكله كورونا ما نعرف منو من المرضى راح يحتاج مستشفى و منو لا !
لذلك منظمه الغذاء و الدواء الامريكيه كالت نخلي هذا العلاج فقط لكبار السن أو اللي عدهم امراض مزمنه أو سمنة أو جميعها
شكد سعره؟
محد يعرف بس اكيد كم الف دولار لان ريجنرون كان سعره يتراوح بين 1500 إلى 6500 دولار ( ٢.٥ مليون دينار عراقي إلى 10 ملايين )
خليكم بأمان باللقاح
د. سيف سمير البياتي اخصائي طب الاطفال