د. سلمان داودمكتبة مقالات عربية عن صحة الطفل والأسرة

رعاية المولود في الأيام الأولى: الحمل والرضاعة والنظافة والفحوص

راح احجيلكم باختصار عن رعايه الأطفال بأول يوم
كيفيه حمل الطفل: بأول مره تلمسيه تاكدي من انه تخلين جل معقم يدين و تشيليه
و تخليه على الثدي بحيث جلده يطخ جلدك و اكيد بمساعده والد الطفل او احد اقاربك
دائما اسندي راسه و رقبته بمرفقك حتى لا يوكع
أبدا لا تهزين طفلك سواءا مزحا او عصبيه
تأكدي من انه مشدود زين بالطريق بالعربه الخاصه بيه بالطريق من المشفى للبيت
الحضن و المشاعر
الحضن و المساج و الكلام و المشاعر مع الطفل هي مهمه مثل ما الرضاعه مهمه
تخيلي ان بعض الأطفال لا ينمون اذا كانت امهاتهم ما تريدهم او ما مهتمه بيهم
و لا تنسين القراءه من اول يوم
الكماط حجينا بيه هوايه و تكدرين تسويه بس لا تعدلين الرجلين
بس اتركيها حره و كمطي الايدين فقط
غيري الحفاظه بانتظام
الاحسن هو التغيير من ٨ إلى ١٠ حفاظه باليوم
يعني تقريبا ٧٠ حفاظه بالاسبوع
لا تنسين ما يصير تغسلين الطفل كامل الا لما يوكع الحبل السري
و قبلها فقط مسح بالمي و ابد لا تقتربين للحبل السري
اهم شي بعنايه الحبل السري هي تركه و بس اتركيه و ما عليك بيه و خلي معرض للهواء
قسم من الاطباء يفضلون الكحول للتعقيم
اني اكول مثل ما منظمه الصحه العالميه تكول بس اتركيه جاف و خارج الحفاظه
الختان
الختان بامريكا ثاني يوم اذا الأهل يسوون الختان
و اليهود يسوون الختان باليوم الثامن
و رسولنا الكريم يكول الختان باليوم السابع
ابدا لا تاجلين الختان بحجه بعده صغير خطيه
الخطيه من يكبر و ما مطهر
اما ثقب الاذن للبنات فبكيفك بس يفضل بعد لقاح الشهرين باسبوعين
و كلما تكبر البنيه احسن و يا ريت لو شابه حتى هي تعتني بيها
الرضاعه تتم عند الحاجه ماكو اي داعي للجداول أبدا
و لا تنسين اول اسبوعين لازم يرضع
اذا نام أكثر من ٤ ساعات كعديه
بعد اول اسبوعين اذا نام ٤ او ٥ او ٦ ساعات اتركيه ما عليه شي
على شرط مو مريض
الرضاعه بأول ايام من رقم إلى ٣ ارقام
و بعدين تزيد إلى ٢ إلى ٤ ارقام شويه شويه و ممكن ما تزيد نحترم شهيه الطفل دام الوزن طبيعي
مو تنسين الشغلات التاليه آخر شي
١. فيتامين k عضلي اول ساعات بعد الولاده
٢. فيتامين دي بأول ايام بعد الولاده
٣. فحص الطفل من قبل طبيب الأطفال و بالأخص فحص خلع الورك و فحص المنطقه المغبنيه للطفل الذكر
٤. إجراء فحص الغربله بالمركز الصحي القريب عند اول زياره و هذا الفحص موجود بالمراكز الصحيه ببغداد و بعض مراكز المحافظات الأخرى
٥. قياس الطول و الوزن و محيط الراس عند طبيب الأطفال
و اخيرا
كل النقاط الفوك متكلم عنها ببوستات منفصله
اتمنى من حضراتكم الاطلاع عليها
شكرا الكم
د. سيف سمير البياتي اخصائي طب الاطفال


from د. سيف سمير البياتي

إعلان

التعليقات

التعليقات مغلقة.