اليوم احجيلكم عن موضوع الأكزيما او مثل ما نفضل نسميه كاطباء ( اتوبي)
Atopy
اللي هو تحسس البشره
او الاكزيما
اهم معلومه عنه
انه الموسم الجاي هو موسمها
اي نعم
الشتاء الجاف
و الأشياء اللي تساعد انه يزيد
هي
ملابس الصوف
كثر الغسل و التغسيل
العطور القويه
بعض الاطعمه اللي انت تلاحظيها انه تزيد تحسس البشره مثل البيض و الحليب البقري و الموز
.
.
طيب دكتور ما تروح؟
طبعا تروح بعمر سنتين تختفي ان شاء الله
ممكن تطول بعدها بس اغلبها تروح بعمر سنتين بالأخص اذا وراثه
خصوصا اذا استمرت نفس العوامل الفوك
.
.
العلاج :
اولا تجنب المواد اللي كلنا عليها مثل الصوف و ملاحظه الحساسيه الغذائيه و احتمال حتى طبيبك يغير الحليب
عندي مريض كان يعاني من حساسيه جلد فظيعه مجرد غيرت الحليب استقر كلش الطفل
ثانيا: تقليل الغسل بالمي البارد
و تقليل استخدام الكلينس المرطب
ثالثا: الترطيب الترطيب الترطيب
بأبسط المواد المنزليه
مثل الفازلين كم مره باليوم
اذا شفتي الفازلين ما يفيد
استخدمي اي مراهم بسيطه تحت يدك للترطيب
و هوايه شركات عالميه دا تسوي مراهم ترطيب جيده جدا مثل يوراج و سيباميد و موستيلا
رابعا: ماكو اي مانع من استخدام مرطب الجو اللي هو الجهاز اللي يطلع بخار بالغرفة ( المبخره )
خامسا: تنشفين البشره بالضغط مو مسح حتى لا يتاذى الجلد مجرد ضغط بسيط
سادسا: قد يستخدم طبيبك العلاج و هو عباره عن مراهم مختلفه اغلبها ستيرويديه فالتزمي بيها و لا تستخدميها فتره اطول من المطلوب و بكميات ضئيله جدا يعني لا تخلين هوايه
تحياتي الكم
د. سيف سمير البياتي
اخصائي طب الأطفال
from د. سيف سمير البياتي