#الارتجاع
#ارتجاع
الارتجاع هو حاله عوده الحليب من المعده إلى المريء و مما بسبب القيء
يصيب الأطفال بالغالب نتيجه ارتخاء العضلات السفلية للمريء اللي تكتمل بمرور الوقت اللي يأخذ من 6 اشهر إلى 9 اشهر
الارتجاع شائع جدا و يصيب 40% من الأطفال به
تشخيص الارتجاع لازم يتم من قبل طبيب الاطفال لأن هوايه اشياء تشبهه و منها حساسيه الحليب ؛ ضيق بوابه المعده؛ اختلافات الأملاح و حتى التهاب المسالك البولية
يعني التشخيص انه هذا ارتجاع صعب شويه و يحتاج رأي طبيب
العلاج : تغيير العادات السيئة يعني الرضاعه الغلط ( ماكو رضاعه و الطفل نايم على الجانب) أو يسحب مميه فارغه
و منها تقليل الكمية شويه
الخطوه الثانيه : رفع الرأس و أعلى الصدر بفراشه عند الاستلقاء بزاوية 30 يعني مو بس رأسه و إنما الفراش يصير مائل
و ملاحظه مهمه من انت كاعده و ابنك كاعد نوميه على بطنه راح يقل الارتجاع (ديري بالك لا هو ينام و انت تنامين و يختنك)
الخطوه الثالثه اللي هو التربيت على الظهر و قبل ما تخليه بالفراش و مو الا يتريع لا بس المهم تطبطبيه
الخطوه الرابعه اذا ما فاد الفوك ثخني الحليب باستخدام سيريلاك رز يعني لكل رقم حليب خلي خاشوكه شاي سيريلاك رز و إذا أمورك زينه اكو حليب مضاد للارتجاع
الخطوه الخامسه الادويه و تصرف من قبل الطبيب أو احتمال يغير الحليب إلى نوع آخر يكون hypoallergic
ملاحظه : اذا ابنك دا يفقد وزن و انت مشخصه ابنك ارتجاع راجعي طبيبك
