المغص والانتفاخ عند الاطفال حديثي الولادة

#مغص_3_اشهر
مغص ال 3 اشهر
يسموه مغص ال 3 اشهر لأن بالغالب يختفي بال 3 اشهر
بس تعريفه العلمي هو الطفل اللي يبجي لأكثر من 3 ساعات باليوم مرتين بالاسبوع لمده 3 اسابيع بعمر أقل من 5 اشهر
دائما يجي بعمر أسبوع إلى اسبوعين و ويوميه يزيد حتى يوصل للقمة اللي هي بالاسبوع السادس إلى الاسبوع الثامن من العمر
و يبدي يخف وراها شويه شويه
بحيث بعمر 4 اشهر كلش قليل يبقى عدهم هالمغص اللعين
يحتاج اراجع طبيب ؟
ليش لا ممكن يكون اكو سبب آخر للبجي
ممكن السبب هو الحليب ؟
اي ممكن ليش لا و من تغيريه على غير حليب يستعدل
أو الأم المرضعة من تقلل تناول الجبن و مشتقات الحليب ممكن يختفي المغص
اليانسون و غيره من الأعشاب؟
لا اكيد ما انطي ابني شي ما اعرفه شنو حتى لو هو أعشاب لأن اصلا المي ممنوع تحت 6 اشهر
العلاج :
أولا اعرفي انه راح يروح
ثانيا لا تدفيه زايد ملابس مريحه و جو متعادل مو مثل اللي اشوفهم بالعياده مربوط و يبجي بس افتح الحضانة الطفل يرتاح بعد ما كان يبجي
ثالثا: ارفعيه و تمشي بيه بالممر أو الحديقة
رابعا تكدرين تهزيه هز على كيفك
خامسا: بعض العلاجات ممكن يكتبها الك الطبيب قد تساعد
يعني بالمختصر هيجي هيجي يطول 3 اشهر و العلاج مجرد يخفف الوجع شويه