زياده الوزن
السمنه
البدانه
السمنه المرضيه
الزياده بالوزن قد تكون عضلات (وهذا شي جيد وحلو )
قد تكون شحوم 😞
وقد تكون احتباس سوائل نتيجه خلل هرموني مثلا او علاج معين
السمنه قد يكون سببها جيني
وهاي مشكله صعبه لكن ممكن نحلها ان نشتغل عالجانب البيئي والمحيط بالمريض
او قد يكون مرضي (خلل هرموني مثلا خمول الغده الدرقيه او تكيس المبايض عند الانثى او السكري او بعض الادويه واحيانا حتى اسباب نفسيه مثلا القلق والكآبه )
او سبب (بالاحرى خلل) بالبيئه المحيطه يعني اسلوب الحياه الخامل استعمال السياره حتى لاقرب مشوار ، استعمال المصاعد حتى لو طابق او طابقين، ٢٤ ساعه مگابلين السوشيال ميديا ومعايشين حياه نشيطه وحيويه )
شنو ممكن تسبب السمنه او زياده الوزن؟ امراض القلب والجلطات وزياده دهون الدم وطبعا شكل مانكون راضين عنه وقد يوصل الى حد من السمنه انه حتى منقدر نؤدي شغلنا ووضائفنا صح
والشي المحزن واللي يخوف حتى بعض انواع السرطان تكون نسبتها اعلى للاشخاص اللي عندهم زياده بالوزن
طبعا عدا عن مشاكل سوفان المفاصل وحتى انزلاق الفقرات
المفرح انه هالمرض(فعلا مرض) اله علاج
يعني حتى الاشخاص اللي عندهم جينات تؤدي بيهم للسمنه نگدر احنه نشتغل عالعامل البيئي والمحيط بحيث ننظم غذائهم ونغير نظام حياتهم الخامل واذا اكو مرض هو اللي مسببلهم السمنه نعالجه وايضا نخليهم على نظام غذائي لفقدان الوزن
ماكو شي صعب
لكن الاراده هي الفيصل بالموضوع
اللي عنده الدافع رح يوصل لهدفه
لا تنطون لروحكم اعذار يعني قريت بالتعليقات البعض يقولون اني ارضع ميصير ما اكل تره الرضاعه تضعف ماتسمن اذا كان اكلج صحيح واكو نظام ممكن يسوي الج طبيبج بحيث تنزلين وزن بدون ما يأثر على حليبج
واللي يقول ما اكدر العب رياضه عندي سوفان او انزلاق تره الانزلاق والسوفان حيزيد ويصير اسوأ اذا بقه الوزن الزايد وبنفس الوقت اكو تمارين هي ويه النظام الغذائي تعالج المشكله بدل ماتتفاقم عليك
طبعا الموضوع مايصير بضغطه زر يعني ياخذ وقت وجهد لكن الهدف يستاهل
واهم ما بالموضوع لاتعتمدون نظام غذائي ومن توصلون للهدف ترجعون عالعادات الغلط من اكل مو صحي وقله حركه وخمول واهمال للنفس
اعتمدوا ان تغيرون نظام حياتكم حتى تحافظون عالنتيجه
سؤالي هو كم مره بحياتكم سويتوا نظام غذائي وكدرتوا تحافظون عالنتيجه لو لا
السمنه
البدانه
السمنه المرضيه
الزياده بالوزن قد تكون عضلات (وهذا شي جيد وحلو )
قد تكون شحوم 😞
وقد تكون احتباس سوائل نتيجه خلل هرموني مثلا او علاج معين
السمنه قد يكون سببها جيني
وهاي مشكله صعبه لكن ممكن نحلها ان نشتغل عالجانب البيئي والمحيط بالمريض
او قد يكون مرضي (خلل هرموني مثلا خمول الغده الدرقيه او تكيس المبايض عند الانثى او السكري او بعض الادويه واحيانا حتى اسباب نفسيه مثلا القلق والكآبه )
او سبب (بالاحرى خلل) بالبيئه المحيطه يعني اسلوب الحياه الخامل استعمال السياره حتى لاقرب مشوار ، استعمال المصاعد حتى لو طابق او طابقين، ٢٤ ساعه مگابلين السوشيال ميديا ومعايشين حياه نشيطه وحيويه )
شنو ممكن تسبب السمنه او زياده الوزن؟ امراض القلب والجلطات وزياده دهون الدم وطبعا شكل مانكون راضين عنه وقد يوصل الى حد من السمنه انه حتى منقدر نؤدي شغلنا ووضائفنا صح
والشي المحزن واللي يخوف حتى بعض انواع السرطان تكون نسبتها اعلى للاشخاص اللي عندهم زياده بالوزن
طبعا عدا عن مشاكل سوفان المفاصل وحتى انزلاق الفقرات
المفرح انه هالمرض(فعلا مرض) اله علاج
يعني حتى الاشخاص اللي عندهم جينات تؤدي بيهم للسمنه نگدر احنه نشتغل عالعامل البيئي والمحيط بحيث ننظم غذائهم ونغير نظام حياتهم الخامل واذا اكو مرض هو اللي مسببلهم السمنه نعالجه وايضا نخليهم على نظام غذائي لفقدان الوزن
ماكو شي صعب
لكن الاراده هي الفيصل بالموضوع
اللي عنده الدافع رح يوصل لهدفه
لا تنطون لروحكم اعذار يعني قريت بالتعليقات البعض يقولون اني ارضع ميصير ما اكل تره الرضاعه تضعف ماتسمن اذا كان اكلج صحيح واكو نظام ممكن يسوي الج طبيبج بحيث تنزلين وزن بدون ما يأثر على حليبج
واللي يقول ما اكدر العب رياضه عندي سوفان او انزلاق تره الانزلاق والسوفان حيزيد ويصير اسوأ اذا بقه الوزن الزايد وبنفس الوقت اكو تمارين هي ويه النظام الغذائي تعالج المشكله بدل ماتتفاقم عليك
طبعا الموضوع مايصير بضغطه زر يعني ياخذ وقت وجهد لكن الهدف يستاهل
واهم ما بالموضوع لاتعتمدون نظام غذائي ومن توصلون للهدف ترجعون عالعادات الغلط من اكل مو صحي وقله حركه وخمول واهمال للنفس
اعتمدوا ان تغيرون نظام حياتكم حتى تحافظون عالنتيجه
سؤالي هو كم مره بحياتكم سويتوا نظام غذائي وكدرتوا تحافظون عالنتيجه لو لا
الله يعافيكم ويسلمكم
د.زينه البياتي
طبيبه التغذيه
https://www.facebook.com/zinaclini/
https://instagram.com/albayatyzina?igshid=1uvmggtlwokl8