عندك تدّهن الكبد ؟
خلي احجيلك عن شنو تقدر تسويه حتى تتعالج:
1️⃣. اذا وزنك زايد او عندك سمنة، حاول تفقد 5-10% من وزنك.
2️⃣. خلي اكلك صحي، كثر من الخضروات والفواكه والبقوليات والدهون الغير مشبعة، و قلل السكر والملح والدهون المشبعة والكاربوهيدرات الضارة مثل التمن والخبز.
3️⃣. سوي رياضية يوميا 30 دقيقة او امثر اذا تقدر.
4️⃣. ابتعد عن المشروبات الكحولية.
5️⃣. اشرب كوبين قهوة او اكثر باليوم اذا ما عندك مانع طبي يمنعك، بشرط ما تخلي بيه سكر او اضافات مثل الحليب والكريمة.
6️⃣. لا تاخذ اي دواء او اعشاب دون استشارة طبيبك المعالج لان اكو هواية ادوية و اعشاب مضرة للكبد.
7️⃣. اذا عندك سكر او ارتفاع دهون الدم لازم تسيطر عليهم تحت اشرافةطبيبك المعالج.
8️⃣. اخذ لقاحات التهاب الكبد الفايروسي نوعA ونوع B
اذا شفتوا المنشور مفيد لا تنسون اعجاب وانشروه حتى يوصل اكبر عدد ممكن من الناس.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/