علامات الجفاف عند الاطفال بصورة مبسطة
—-
اول شي يبدي الطفل يعطش ويشرب مي هواية وبشراهة ، بعدها نتيجة الاستمرار بفقدان السوائل عيونه تصير غائرة والاغشية المخاطية تجف ويصير يبجي بلا دموع ، ثم بعد ما كان عطشان ويريد مي تبدأ حركته تقل ويخمل تدريجيا و دقات قلبه تصير سريعة، والجلد ماله من تسحبه يرجع بطيء ويقل الادرار هواية يوصل لدرجة انه ماكو ادرار ، بعدها نفس الطفل يبدأ يتسارع و يصير شكل الطفل مثل المومياء من شدة الجفاف
هاي العلامات بشكل مبسط
شكد ما تتدربون عليها تفيدكم بمتابعة اطفالكم لمن يصير بيهم اسهال وتقيؤ
د سلمان داود
مقيم اقدم اطفال
from د. سيف سمير البياتي