و بدا الشتا و بدا التحسس و بدت الكحه و نوبات السعال
تعالوا نتعلم شون نمرر هذا الشتا بلا ادويه قدر الإمكان
يلا نتعلم
مفتاح الجهاز التنفسي هو الانف لذلك البخاخات الملحيه هي العاجل و المهم بهذا الشتاء
و شون تستخدميها سهله جدا مجرد خلي الطفل يستلقي على ظهره و خلي وساده تحت كتفه بخه منا بخه منا وراها ارفعي راسه و بس
و بس ؟
اي بس
حمام بخاري هم حل لطيف
و لا تخافين من الحمام يمرض
لان عمر المرض ما يجي من النظافه
وياها سوائل دافيه و شويه عسل اذا عمر الطفل اكثر من سنه و بس
زين دكتور خشم ابني الشتا كله قافل و كلشي ما يفيده و يستمر الموضوع اكثر من اسبوعين !
هنا هذه مو نشله بسيطه
هذه ع الاغلب حساسيه أنف و تحتاجين تراجعين طبيبك للاطفال لان اكو بخاخات موضعيه مفيده جدا
بس اهم من العلاج ابعدي طفلك عن الغبار و التدخين و الحيوانات و العطور
هسه خلصنا من الأنف نجي لحبايبي جماعه التحسس القصبي او الربو او حساسيه القصبات
ليش حبايبي ؟ لان اغلب مراجعيني منهم و اني هم منهم و أولادي هم منهم
فهنا اكيد اكولك اشتريتي جهاز بخاخ ( نبيولازر) لو بعد
لان هذا مفتاح النجاح و مهم جدا للعوائل اللي عدهم تحسس
و اذا يتعود عليه ؟
اللي يكولك يتعود عليه كوله شكرا على رأيك الغير مهم لان هو علاج و ما راح يتعود عليه
و كل الإشاعات اللي تحاربه هي ضرب مجنون من ضرب الخيال المرضي لكل شي مفيد لاطفالنا
و كل طبيب يكتبلك جهاز بخاخ و بخاخات موضعيه هذا الطبيب يخاف على طفلك فلا تراجع غيره
و شنو احط بالبخاخ؟
سهله
نصف سيسي فنتولين ويه ١.٥ سيسي مغذي مالح عند الحاجه بس لا تتجاوز ٦ مرات بال ٢٤ ساعه الا بوصيه طبيب و اذا ما فاد نراجع طبيب و نكوله عدنا بخاخ
مختصر الكلام
خليك واعي للعلاج
و اخذ الاقل اعراض جانبيه
و استمر على فيتامين دي
و استمري بالتغذيه الجيده
و ابتعدي عن السكريات و الحلويات
و بس
و الله يحفظكم و أولادكم
د. سيف سمير البياتي اخصائي طب الاطفال
from د. سيف سمير البياتي