احنا لو نحجي بالطب الشعبي كان الامور اسهل يمكن ؟ الطب مو تجارب شخصيه ارجوكم افتهموا الموضوع يعني من اكولك فلان شي ممنوع مو تجي تناقش و تصب تجربتك الشخصيه عليه و على محيطك راح تكولي شلون خل احجيلكم امثله نتعلم منها مثلا د. سلمان نزل بوست بيه يكول المي ممنوع تحت ٦ اشهر مستشهدا بكلام عن منظمه الصحه العالميه و غيرها الرد كان مو انطينا و ما صار شي و اني اكولك ربيت ٤ اطفال و ما انطيتهم مي و ما صار شي هل ردي معقول ؟ بالمستوى الشعبي اكيد اي بس على مستوى بوست و ناس تقراه اكيد مطلوب مني اكون دقيق و اكول ٩٠ بالميه من الحليب مي و ما يحتاج ماء و انهي الحوار باعتبار جبت الدليل انه الحليب مكون من ٩٠ بالميه ماء نرجع للمستوى الشعبي و نكمل الجمله و نكول مو انطينا مي و ما صار شي و اني اكولك اوووو اني شكد شايف حالات سوء تغذيه بسبب اعطاء الماء ! نروح لمثال اخر النستاكورت الغضب حذرتكم منها و من اعراضها الجانبيه و الاستخدام المطول اكثر من ٥ ايام و من اعراضها الجانبيه السكر و الضغط و هشاشه العظام و كان الجواب انه مو خلينا و ما صار شي و بعد البوست ٢ من اللي كتبوا ما صار شي زاروني للعياده خايفين لا يصير شي و فعلا طلع عدهم حصى كليه و اعتذروا لان كتبوا ما صار شي ! اي اكو ما يصير بيهم شي خوما كل اللي انصابوا بكورونا ماتوا ؟ بس نخاف لا تكون من اللي يتاذون بكورونا هو هذا الطب ليش انتظر يصير شي يلا اكول اخ كال د. سيف او د. داود ثم انت شمدريك ما صار شي ؟ قبل فتره مثلا ربطوا الجرعه العاليه من فولك اسد بالحمل مع التوحد ! اخ و شجاب الفولك اسد على التوحد ! هو ربط ببحوث عديده و توقف استخدام الجرع العاليه من الفولك اسد و اقتصروا على 1 ملغرام فقط او اقل 400 مايكروغرام نفسه من نكول افطمي بعمر سنه من المميه و راسا يجي الجواب مو خطيه و الطفل شكله خربان و اسنانه متقدمه و يحتاج مليون دينار تقويم من يكبر و راسا الجواب حاضر مو الحليب زين زين و الاسنان ما يريدهن ؟ خافض الحراره مثال اخر اكولها شسويتي لخفض الحراره و الله طبكت تحميلتين و انطيته و اكولها خطا تكولي و الحراره و اكولها و الكبد مالته ما يريده اذا عطل منو ينطيك كبده الختان مثال اخر اكول يلا طهره شمنتظر الختان احسن شي باول شهر يكولي مو صغير و اكوله من يكبر شيصير يكول ما ادري اكوله من يعبر الشهر مضاعفات الجراحه تتضاعف ٣ مرات و خطر التهاب المسالك البوليه يزيد 10 الى 30 ضعف فطهره بيهم يسمع و يقتنع و بيهم يرفض و يجيني بعد كم شهر يعض اصبع الندم لان صار بابنه التهاب مسالك بوليه اعرف جيدا انه بعض ما تطلعون عليه بالصفحه هذه قد يكون غريب بالنسبه للبعض انت فكر مجرد فكر انت لو سمعت نصيحتي او ما سمعت نصيحتي شنو اللي راح استفاده اني ؟ الجواب لا شيء لكن كل شيء بالعالم نتعلم منه كل اخطاؤنا نتعلم منها حتى انا اخطا كلنا نخطا بس خيرنا اللي يتعلم هي دعوه لتعلم ابجديه الرعايه بالاطفال اولا و تعلم لغه الحوار و التعليق ثانيا د. سيف سمير البياتي اخصائي طب الاطفال

احنا لو نحجي بالطب الشعبي كان الامور اسهل يمكن ؟
الطب مو تجارب شخصيه ارجوكم افتهموا الموضوع
يعني من اكولك فلان شي ممنوع مو تجي تناقش و تصب تجربتك الشخصيه عليه و على محيطك
راح تكولي شلون
خل احجيلكم امثله نتعلم منها
مثلا
د. سلمان نزل بوست بيه يكول المي ممنوع تحت ٦ اشهر مستشهدا بكلام عن منظمه الصحه العالميه و غيرها
الرد كان مو انطينا و ما صار شي
و اني اكولك ربيت ٤ اطفال و ما انطيتهم مي و ما صار شي
هل ردي معقول ؟
بالمستوى الشعبي اكيد اي
بس على مستوى بوست و ناس تقراه اكيد مطلوب مني اكون دقيق و اكول ٩٠ بالميه من الحليب مي و ما يحتاج ماء و انهي الحوار باعتبار جبت الدليل انه الحليب مكون من ٩٠ بالميه ماء
نرجع للمستوى الشعبي و نكمل الجمله و نكول مو انطينا مي و ما صار شي
و اني اكولك اوووو اني شكد شايف حالات سوء تغذيه بسبب اعطاء الماء !
نروح لمثال اخر
النستاكورت الغضب
حذرتكم منها و من اعراضها الجانبيه و الاستخدام المطول اكثر من ٥ ايام و من اعراضها الجانبيه السكر و الضغط و هشاشه العظام
و كان الجواب انه مو خلينا و ما صار شي
و بعد البوست ٢ من اللي كتبوا ما صار شي زاروني للعياده خايفين لا يصير شي و فعلا طلع عدهم حصى كليه و اعتذروا لان كتبوا ما صار شي !
اي اكو ما يصير بيهم شي
خوما كل اللي انصابوا بكورونا ماتوا ؟
بس نخاف لا تكون من اللي يتاذون بكورونا
هو هذا الطب
ليش انتظر يصير شي يلا اكول اخ كال د. سيف او د. داود
ثم انت شمدريك ما صار شي ؟
قبل فتره مثلا ربطوا الجرعه العاليه من فولك اسد بالحمل مع التوحد !
اخ و شجاب الفولك اسد على التوحد !
هو ربط ببحوث عديده و توقف استخدام الجرع العاليه من الفولك اسد و اقتصروا على 1 ملغرام فقط او اقل 400 مايكروغرام
نفسه من نكول افطمي بعمر سنه من المميه و راسا يجي الجواب مو خطيه و الطفل شكله خربان و اسنانه متقدمه و يحتاج مليون دينار تقويم من يكبر و راسا الجواب حاضر مو الحليب زين
زين و الاسنان ما يريدهن ؟
خافض الحراره مثال اخر
اكولها شسويتي لخفض الحراره و الله طبكت تحميلتين و انطيته
و اكولها خطا
تكولي و الحراره
و اكولها و الكبد مالته ما يريده
اذا عطل منو ينطيك كبده
الختان مثال اخر
اكول يلا طهره شمنتظر
الختان احسن شي باول شهر
يكولي مو صغير
و اكوله من يكبر شيصير يكول ما ادري
اكوله من يعبر الشهر مضاعفات الجراحه تتضاعف ٣ مرات و خطر التهاب المسالك البوليه يزيد 10 الى 30 ضعف فطهره بيهم يسمع و يقتنع و بيهم يرفض و يجيني بعد كم شهر يعض اصبع الندم لان صار بابنه التهاب مسالك بوليه
اعرف جيدا انه بعض ما تطلعون عليه بالصفحه هذه قد يكون غريب بالنسبه للبعض
انت فكر مجرد فكر انت لو سمعت نصيحتي او ما سمعت نصيحتي شنو اللي راح استفاده اني ؟
الجواب لا شيء
لكن كل شيء بالعالم نتعلم منه
كل اخطاؤنا نتعلم منها
حتى انا اخطا
كلنا نخطا
بس خيرنا اللي يتعلم
هي دعوه لتعلم ابجديه الرعايه بالاطفال اولا
و تعلم لغه الحوار و التعليق ثانيا
د. سيف سمير البياتي اخصائي طب الاطفال

from د. سيف سمير البياتي

احنا لو نحجي بالطب الشعبي كان الامور اسهل يمكن ؟ الطب مو تجارب شخصيه ارجوكم افتهموا الموضوع يعني من اكولك فلان شي ممنوع مو تجي تناقش و تصب تجربتك الشخصيه عليه و…