بهيج ليالي بارده المشروبات الدافئه ماكله الجو بحيث ما احجيلكم صرت اشرب قهوه حتى بالليل
هسه حكتبلكم عن فوائدها
وباجر ان شاء الله احجيلكم عن اضرارها
كمرأه تحب القهوه اقترح عليكم ان ماتحطولها سكر ابد
كطبيبه انصحكم ابد لاتستعملون المبيضات ويه القهوه
معروف التاثير العالي للقهوه عالنشاط البدني والذهني وزياده اليقضه
بسبب احتواء القهوه وغيرها من المشروبات مثل الشاي والكولا عالكافايين هذا ينطيها ميزتها بعلاج والوقايه من بعض الامراض (طبعا الفائده والضرر تتعلق بالكميات اللي تشربوها وهذا المعدل يختلف بين الرجال والنساء والعمر ايضا)
بصوره عامه كاشخاص محبين للقهوه وماعندكم امراض ولا مشاكل صحيه لاتتجاوزون فنجانين قهوه باليوم( ارجع واقول بدون مبيض ويفضل بدون محليات) لكن اذا تريدوها لاغراض علاجيه فطبيبكم هو اللي يحدد الكميه اللي تحتسوها
تأثيرات القهوه وفوائدهاهي
١/ تقلل خطر الاصابه بالسكري النوع الثاني
٢/ تقلل خطر الموت المفاجئ نتيجه امراض القلب
٣/ بعض الابحاث اكدت انها تقلل خطر الاصابه بالزهايمر ومرض باركنسون(الشلل الرعاش) لكن لازال النقاش قائم بهالشأن
٤/وهسه نجي للصدمه 😾😾نوع القهوه اللي يحتوي الكافايين واللي يكون محمص (مو وسط ولا شگره) تساعد بنزول الوزن للرجال بس هالتاثير ما لاحظوه عالنساء (بس نبقه سترونگ اندبيندنط وومين)
٥/ تأثيرات علاجيه اخرى لبعض الامراض مثل النقرس ودهنيات الدم وحصى المراره لكن بهالحالات لازم اشراف طبي والطبيب المتابع يحدد نوع القهوه ودرجه التحميص والكميه المسموحه يوميا
يا معلومه من هالمعلومات ماكنتوا تعرفوها؟؟؟
ويانوع قهوه تفضلون الساده لو الوسط لو الشكره
شنو تأثيرها اللي تلاحظوه بعد شرب القهوه؟؟؟ گهوه وكستانه محمصه وبعد شنو تقترحون تعلوله بهالزمهرير 🥶🥶
اتحفوني
د.زينه البياتي
اخصائيه التغذيه
https://www.facebook.com/zinaclini/
https://instagram.com/dr.zinahbayaty.nutrition1?utm_medium=copy_link
from د. سيف سمير البياتي