والله دكتور سويت فحص شامل حتى فحص فايروس المعدة هم بيه.
اوكي، خلي نتفاهم وحدة وحدة
1️⃣ جرثومة المعدة هي بكتيريا و مو فايروس.
2️⃣ اذا ما عندك أعراض المرض أو أمراض ممكن تكون جرثومة المعدة سبب بيها ماكو داعي تفحص.
3️⃣ هسه نجي نحجي عالفحوصات اللي تتساوى لتشخيصها:
فحص الدم ما يستخدم للتشخيص لان ممكن المرض و الجرثومة يكونون ما باقين و فحص الدم يبقى إيجابي.
🤔 لعد شنو اللي يستخدم؟
❤️ فحص جرثومة المعدة بالنفس (النفخ) و فحص جرثومة المعدة بالبراز (الخروج)، قبل هالفحصين لازم اسبوعين ما تكون ماخذ أدوية معدة مثل الاوميبرازول و اخواتها أو الفاموتيدين و اخوانه، وهم قبل الفحص بشهر لازم تكون ما ماخذ مضاد حيوي (أدوية التهابات).
❤️ والفحص اللاخ اللي ممكن يتسنى لتشخيص جرثومة المعدة هو ناظور المعدة وأخذ خزعة من المعدة للفحص النسيجي حتى يشوفون اكو دلائل التهاب المعدة الناتج عن هاي الجرثومة لو لا.
شتحبون نحجيلكم عنه بالوستات الجاية؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بکالوريوس طب وجراحة عامة.
بورد ( دكتوراه) في الطب الباطني.
عضو الكلية الأمريكية للأطباء.
الدكتور سوران حسن زنگنه
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana #صحة #جرثومة_المعدة #تشخيص #العراق
from د. سيف سمير البياتي