اذا عمركم ٣٥ سنة أو اكبر فهذا البوست الكم:
كل واحد عمره ٣٥ سنة أو اكبر لازم يسوي الفحص المبكر لتشخيص مرض السكري، حتى لو ما كان عنده اي اعراض .
🤔 هاي شنو دكتور اني ما عندي أعراض ليش اسوي؟
❤️ ممكن يكون عندك مرض السكري بدون ما يكون عندك أعراض أو يكون عندك أعراض خفيفة ما تحس بيها أو تربطها بغير شغلات.
🤔دكتور اقنعتني، شنو هاي الفحوصات اللي اقدر اسويهن كفحص مبكر ؟
↔️ فحص السكر عالريق
أو
↔️ فحص السكر التراكمي
أو
↔️ فحص تحمل الغلوكوز
🤔دكتور شنو فحص تحمل الغلوكوز هذا ، اول مرة اسمع بيه؟
❤️ عيني ، هو عبارة عن فحص عالريق وراها ينطوك ٧٥ غرام غلوكوز و ورا ساعتين يرجعون يفحصولك السكر مرة اللاخ.
🤔دكتور سويت الفحص، شنو الخطوة الجاية؟
🔻 اذا طلع الفحص طبيعي، تعيد الفحص ورا ٣ سنين.
↖️ اذا طلعت ضمن حالة ما قبل السكري، تراجع طبيب و تعيد الفحص عالاقل مرة بالسنة.
🔺 اذا طلع عندك سكري، تراجع طبيب حتى بيديك على علاج.
🤔 زين شلون اعرف الطبيعي من ما قبل السكري من السكري؟
😃 راح اخلي الجواب على هالسؤال عالبوست الجاي.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بکالوريوس طب وجراحة عامة.
بورد ( دكتوراه) في الطب الباطني.
عضو الكلية الأمريكية للأطباء.
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana #health #screening #Diabetes #صحة #مرض_السكري
from د. سيف سمير البياتي