قياس ضغط الدم للكشف المبكر: العمر وعوامل الخطورة

🤔 كل شقد نقيس ضغطنا ؟؟

💢 مثل ما قلنا بالبوست اللي فات أنه ارتفاع ضغط الدم ومرض الضغط أكثر الوقت ما اله اي اعراض ولهالسبب يسموه القاتل الصامت، علمود هالسبب:

1️⃣ اللي عمرهم ١٨ -٣٩ سنة وما عندهم عوامل خطورة للإصابة بمرض الضغط لازم يقيسون ضغطهم مرة كل سنتين.

2️⃣ اللي عمرهم ١٨-٣٩ سنة و عندهم عوامل خطورة للإصابة بمرض الضغط مثلا عنده مريض ضغط بعائلته أو وزنه زايد أو عنده سمنة، أو يدخن، أو يستخدم ملح هواية، أو يشرب مشروبات كحولية بكثرة، أو حياته خاملة ومو نشط، فلازم يقيسون الضغط كل سنة.

3️⃣ اللي عمرهم ٤٠ سنة أو أكثر عندهم أو ما عندهم عوامل خطورة للإصابة بمرض الضغط لازم يقيسون الضغط كل سنة.

🤔 ليش؟؟

💢 لان كل ما شخصنا مرض الضغط اوکت و بدينا نعالجه اوکت سیطرنا عليه اوكت، كل ما قللنا احتمالية حدوث مضاعفات مرض الضغط وتأثيراته السلبية عالقلب، الدماغ، العيون، الكلى، و القدرة الجنسية.

❓ اكو احد بعائلتكم عنده مرض الضغط؟؟

د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )

بکالوريوس طب وجراحة عامة
بورد ( دكتوراه) في الطب الباطني
عضو الكلية الأمريكية للأطباء

Facebook.com/DrSoranHassanZangana2

Instagram.com/DrSoranHassanZangana2

https://vm.tiktok.com/ZSJLnpnk9/

#DrSoranHassanZangana

from د. سيف سمير البياتي